今日早上去到茶餐廳，有客人話發覺一件怪事，從公司註冊處登記知道這條街減少了兩成舖頭登記，但今早嚟茶餐廳時專登睇吓條街有邊間舖頭空置，但竟然冇吉舖，點解咁奇怪。
老闆話有乜咁奇怪，他剛剛買入了隔離相連舖，成交之後將會打通，茶餐廳面積會擴大一倍，
條街仍然是冇吉舖，但註冊登記就減少一間。
大家可能唔知道，財仔的數目相比全盛時期減少了15%，理由同條街舖頭減少的情況差不多，不少財仔借錢畀人買樓之後，再將抵押物業打包轉按畀其他財仔做按揭，取得的款項再借畀人，的確可以多做生意，但亦為自己暗藏殺機，倘若債仔唔還錢而自己又冇錢還，打包轉按的物業就會變成銀主盤，被做轉按的財仔以銀主身份將物業出售，由於打包轉按的物業按揭成數會較低，就算有損失都不大，但將物業打包轉按的財仔可能要蝕本，甚至蝕到連渣都冇，最後不得不執笠。
亦有有一些小型財仔見自己生意唔掂，追數又困難，最後與做轉按的財仔合併，不過美其名是合併，其實是成間買俾做轉按或者較大的財務公司，這是財仔數目大幅減少的原因。
最後有一些財仔為了多做生意，甚至用自己的財務公司股份問其他財仔借錢，還唔到錢就要將成間財務公司送畀人，雖然數目不多，但始終是令財仔數目原因之一。
