今日中午去到茶餐廳，有年輕客人非常開心，原來公司派去佢美國公幹，佢話未坐過商務客位，今次有機會坐，我潑冷水話，如果開公數就要坐經濟客位。
十幾年前，我去新加坡與新加坡政府商談買入他們在香港總值三十億物業，一切傾妥之後，對方法律顧問作最後覆檢，期間我與當地官員閒談，官員問我星航的商務客位好唔好，我話今次我唔知，平時就很好，因為今次是開公數，所以我坐經濟客位，對方聽完之後，即使法律顧問有多少意見，對方官員話我是一個很合理的人，不要對方損失，其實，開公數坐經濟客位是為自己加分，況且在疫情下，經濟與商務客位分別不大，價錢就差很遠。
