有澳門老友問，細個時我讀書唔叻，點解到今日又做得唔錯，我話因緣際遇，但老友唔收貨，我話我識做靚，老闆滿意，我就有得扎職，很多人認為做身先士卒，老闆一定會滿意，其實並不一定，老闆唔鍾意強出頭的伙計，例如飲宴，老闆唔表態，我一定不會先行敬酒，因為我對人，對方就會對我老闆，我留番啲quota 做防守，很多人不明白這個道理。 現在全世界都知道美國借立陶宛打台灣牌來刺激中國大陸，但立陶宛可能打得很開心，自把自為帶頭杯葛北京冬奧，美國雖然話外交抵制，不過都是講下，但立陶宛帶頭杯葛之後，美國唯有外交抵制，誰不知除了四眼以及日本首相之外，竟然沒有其他國家跟隨，令到美國相當冇面，如果不是立陶宛強出頭，美國一定會同其他國家暗地裡商量，得到相當多國家支持才會外交抵制，如果好似現在，只得四眼支持，拜登就會話體育不應牽涉政治，於是帶隊去冬奧搶習主席的風頭，立陶宛連做靚都唔識，仲叫美國歐盟支持佢，容乜易被人誤會立陶宛才是盟主。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
個道理。