有年輕朋友移民，問我去到外國之後有什麼要注意，是不是凡事忍讓，向對方講聲對唔住，但求大事化小，小事化無，我昨日亦講過這個問題。
我多謝年輕朋友同我講，我昨日話只對老婆講對唔住，否則就沒完沒了，其他人就唔講，否則被人屈閣下承認錯誤，隨時會要求賠償。在外國撞車之後，明知是自己不對，都唔好講對唔住，否則有機會被對方告到反肚，如果自己啱但又口快快講對唔住，即是承認錯誤，咁蝕底的事千祈唔好做。
香港人打麻將，贏了的人很多時會話對唔住，要你輸錢，在外國賭錢，千祈唔好咁講，賭仔姓賴，輸家有可能誤會講對唔住的人出千，要求賠償，年輕朋友話未聽過有人講，意思是懷疑我說的是不是真的，我話我亂話亂說，千祈唔好放在心上。
