星期六有老友到公司吹水，我問佢明天會不會去投票，佢話唔會，我覺得很奇怪，上一次千辛萬苦，他反而一定要去投票，今次竟然唔去，老友話今次贏梗，點解仲要去投票，好似冇病冇痛，點解要睇醫生。
我話不對，就是冇病冇痛，才要睇醫生，我每半年做一次小型身體檢查，三年做一次大型，如果發覺有唔妥，就可以及早治療，到現在身體仍然良好，如果等有病痛才睇醫生，可能已經太遲，其實，有不少人有老友冇病冇痛，做乜要睇醫生的心態，而事實上投票率低是代表市民不關心政局，似乎是信任政府，其實並不是，只是唔想投票，到出了問題，就可以話政府做得唔夠好，他們並沒有投給當選的議員，推卸責任而已。
