有老友話昨晚請客，已經預了每人一支紅酒，加一支威士忌，但仍然唔夠酒飲，非常失禮，老友搞錯，唔夠酒飲是客人失禮，不是主人失禮。
不是太多人明白這個道理，但如果在大銀行打過工，就知道我所言非虛，一般來說，如果請客，一定會預備足夠酒水，但有時大家傾得興高采烈，唔夠酒飲，就要在酒家開酒，隨時一支等如三支，所以，銀行規定，如果見主人家的存酒不多，銀行職員就要收慢韁繩，唔係唔飲，只是飲慢些少，唔好杯杯清，老友聽完我講之後話咁都冇咁驚，我話我講冇用，現在大家會認為如果唔夠酒飲，一定是主人家的問題，唔關客人的事。
