台灣老友問我知唔知包括立陶宛在內的波羅的海三個國家，十幾個議員點解要去台灣，我當然唔知，台灣老友話根據台灣電視台報道，主要是立陶宛要求台灣提供五十億美元財政資助，其他兩個小國是助拳，行政院長的確老波骨，表示可以購買立陶宛產品，換句話說，錢就唔會俾，買多少日用品還可以，三個小國的代表冇哂表情，立陶宛已
經同中國接近斷交，台灣又唔找數，今次真係偷雞唔到蝕渣米。
我覺得今次是少林足球國際版事件，在一場重要比賽之前，明鋒被高價收買，在關鍵時刻射失十二碼，及後仲俾隊友乘機打斷腳，仲未咁慘，收買他的巨額支票竟然彈票，今日，立陶宛的五十億美元支票彈票，又損失與中國的商機，都唔知點樣埋尾。
