昨日有老友到公司吹水，佢問我是否收到風，否則唔會用冷飯菜汁來形容日本送給台灣的疫苗，至於冷飯菜汁究竟點解，一字咁淺，就是過期，有消息傳出，亦有圖為證，不過就唔知真定假，今次日本送給台灣的疫苗是在五月底到期，雖然，疫苗或者仍然有效，但在規格上是過期，如果香港超市出現過期食物，一定會畀人將軍將到傻，民進黨仲要千多萬謝，今次台灣人的面被蔡小姐丟清光。
今次可能是美國佬同日本仔一齊玩台灣，美國佬的75萬疫苗是期票，日本是過期貨，玩完之後就做生意，有駁腳會去搵時鐘，話有未過期疫苗出售，仲係現貨，不過貴少少，唔係好多，一倍而已，蔡小姐可能唔知，萬華區那些阿公店就用這個方法屈客，搞到阿公㷫烚烚，就迫住要買多幾個鐘才可以人與人的連結，今次，台灣除了用五代戰機現價，買四代二手戰機，又買来豬之後，再買貴價疫苗，台灣人死慳死抵，慳埋慳埋走去做寃大頭。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
到傻，民進黨仲要千多萬謝，