我有一個舊同學，自小英明神武，什麼事都有佢講冇其他人講，今早到公司搵我，佢話俾我害死，昨日我在Facebook 發表了一篇文章，估計17歲確診少女的老豆靜雞雞打了疫苗，所以那位少女與母親家姐三人同時確診，而老豆冇事，政府應該加強宣傳疫苗效力，唔好浪費大好機會。
今次殺錯良民，舊同學昨晚被兒子質問有冇打疫苗，如果有就斷絕父子關係，因為兒子早已話疫苗冇效，又有嚴重副作用，叫佢千祈唔好接種，昨晚兒子知道之後立刻離家，到現在仍然未回家，只有一個短訊，叫舊同學將身家分一半俾佢，兒子去移民，今次真係大鑊了，我唔知真定假，不過在上一次區議會選舉時，有很多子女唔准父母去投票，我亦無能為力，唯有安慰舊同學，既然未分身家，你個仔走唔到去邊，分了就難講，舊同學話望係咁望。
