有老友是超級藍C，不但撐政府，而且做埋一些無無謂謂公職，博日後可以得到一個荷蘭水蓋，近日佢問我有冇打疫苗，我話打了第一針，佢話唔打，最多唔去旅行，唔去餐廳食飯，因為佢擔心有副作用，我話現在打疫苗的死亡率只有正常的5%，基本上打好過唔打，藍C老友堅持唔打，仲話唔打又冇人知。
我問如果政府俾一個荷蘭水蓋佢，會唔會打疫苗，答案是一定會，老友可能唔知道，政府頒荷蘭水蓋之前一定會做盡職審查，作奸犯科一定唔得，但如果發覺被審查的人竟然冇打疫苗，試問政府又點會頒發水蓋給那些人，所以，既然做得藍C就要做得徹底一些，唔好表面上支持政府，但行動上採取不配合態度，中央政府最憎的就是那些打著紅旗反紅旗的人，老友聽完之後冇哂表情。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
