有人話貧賤夫妻百事衰，在香港如果一對夫婦落錯車，又唔肯上返車，離婚收場亦不是奇事，但以蓋茨梅琳達兩夫婦，有1240億美元身家，即使落錯車都冇問題，點解要離婚。
貧賤夫妻會離婚，但太過有錢亦會離婚，因為任何一方都不想做另一半的附屬品，既然如此，倒不如離婚，大家可以各自搵男女朋友，以自己為中心，如果唔離婚，男方搵靚女大家不會見怪，但女方搵小鮮肉一定會被傳媒做新聞，離婚之後大家點做都可以，又唔會影響對方聲譽，千祈唔好以為離婚之後是仇人，反而會變成好朋友，離婚只是雙方改變生活的一種方式，局外人未必會明白。
