昨晚食飯時，老婆話有一個大媽朋友借錢比人，不過佢好醒目，好似大劉咁講，要求對方做一個還款時間表，對方二話不說，將債務連本帶利分12期，每個月還一期，十二個月全部清還，我話咁樣做唔係幾妥，可能會愈借愈多，老婆話我估得冇錯，在還了兩期之後，債仔要求借多一筆，銀碼比上一筆還多，債仔仲話，他的還款記錄良好，冇理由唔再借畀佢，大媽問好唔好再借。
我話當然唔好，如果再借，債仔可能唔會還錢，大媽就會損失慘重，其實，借唔借債仔都唔會還錢，大媽只會愈借愈多，因為債仔會同佢講，唔再借會影響他的投資計劃，令他損失慘重，冇機會還錢，但如果再借，就會愈借愈多，最後都是收唔返欠款，現在唔借，已經收回兩期本錢，算是不幸中之大幸，借了出去的錢如潑了出去的水，唔好奢望可以收得返。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
款記錄良好，冇理由唔再借畀佢，大媽問好唔好再借。