誰是種族滅絕的高手

　　昨晚食飯時，老婆話佢有一個大媽朋友，不時埋怨她的後母，原來大媽的媽媽早已過身，老豆再娶一個填房，一般人以為做填房一定很刻薄，大媽話她的後母對她不知幾好，可以說要乜有乜，反而對自己的親生子女非常嚴厲，有人話她的後母非常識做，但亦有人話害死佢，結果是大媽中學畢業後不能考上大學，亦搵唔到一份好工，好彩大媽搵到個好老公，否則真係比佢後母害死。

　　講做後母，美國加拿大澳洲就相當識做，美加澳對原居民不知幾好，不但有屋住，有金錢援助，仲唔使交稅，連酒稅都唔使交，攪到不少原居民又肥又酗酒，短命就唔使講，連傳宗接代都冇興趣，人口不斷委縮，唔使幾耐，美加澳就沒有原居民，但沒有一個國家夠膽指責美加澳進行種族滅絕。

　　中國就唔識做後母，不斷提高新疆維吾爾族人的教育水平，又費心勞力改善水源，綠化沙漠，種植棉花萄葡及其他農作物，令到新疆維吾爾族人收入增加，人均壽命由30多歲提升至70多歲，人口由500萬升至1200萬，工作做唔切，但中國就比美英加澳歐盟等國家制裁，理由是中國強迫新疆維吾爾族人勞動，今次真的是吃力不討好，中國連一個合格的後母都做唔好，又有何資格種族滅絕。