昨晚食飯時，因為H&M事件，國人罷買美國貨，老婆話這兩日執屋，準備換季，順便睇下有幾多東西是美國貨，發覺非常之少，只有幾對跑鞋，皮鞋大多數是法國意大利貨，問我有什麼美國貨，我話有，電動私家車是美國貨，iPhone 也是美國貨，不過已經用了幾年，其實，大家已經淡出使用美國貨，根本不用抵制。
美國今次可以算玩火自焚，挑起種族滅絕這個大題目，但想也想不到燒到自己商人，除了營業額會大幅下降之外，亦給予中國牌子崛起機會，或者對於中國品牌來說，是因禍得福，老婆話買了一對美津濃跑鞋畀我，風頭火勢，如果去跑步就唔好著Nike，吓，又唔使咁緊張，不過美津濃都唔錯。
