今日天氣稍涼，又冇太陽，最適合跑步，今午在海濱長廊跑步之前，有跑友講到今次中美會談，美國聯合世界各國圍堵中國，關鍵就是中國崛起，威脅到美國一哥的位置，如果中國識得韜光養晦，就唔會出現被人圍堵局面，有人立刻話，八國聯軍打中國，亦都是當時清政府不懂得韜光養晦，跑友一個箭步走了。
一直以來，新聞講及美國打壓中國，都會話中國自己攞嚟衰，如果唔崛起，沒有威脅到美國做大佬，就唔會被打壓，其實，大家根本唔知道做大佬資格，簡單來說，有能力做和事佬的人才有資格做大佬，一個家族，如果出現糾紛，那個能夠擺平的人，那個就是家族大佬，在世界上，能夠止干弋的國家就是大佬，美國佬是否能夠止干弋，或者是可以，不過要用更大武力 ，甚至將別人的國家毁滅，咁樣似乎不是做大佬風範，既然美國佬不是大佬，中國又如何威脅到美國。
