今午在海濱長廊跑步，覺得非常之冷，原因是被一個人截停，冇得跑步當然很冷，那人認為他自己戰績彪炳，所以有資格去預測樓市，咁奇怪，我從來沒有聽過有人話自己戰績彪炳，尤其是投資樓市，原來那人以前有物業，現在已經賣哂，賺了不少錢，有實質盈利，所以，他不但有資格預測樓市，而且其他人要聽佢講。
我近日真係遇到不少怪人，咁樣都算戰績彪炳，香港都唔知有幾多人，包括一些露宿者，他們以十幾萬從政府買入自住的公屋單位，二三百萬賣走，幾年間有十幾倍盈利，邊個夠佢威，但床頭金盡，最後要做露宿者，我反問，那位跑友所賣走的物業，現在是升了抑或跌了，答案是升了很多，但如果不賣，未算有盈利，更加不能話自己戰績彪炳，我未睇過阿Q正傳，但是直覺上眼前的人是一位阿Q。
