今日跑完步，老婆話有一個有錢大媽朋友請食飯，有事請教我，我話限聚令，三個人食飯唔可以，老婆話佢坐第二張枱，但她知道是什麼事，希望我幫下她的大媽朋友。
原來老婆的大媽朋友想同她的好食懶飛的老公離婚，又唔想俾贍養費，早已有人教佢搵個女仔溝佢老公，捉姦在床就可以唔使俾，我話千祈唔好相信，這只不過是電影橋段，就算捉姦在床都要俾贍養費，但這非常危險，做得那些事的女仔都是睇錢份上，很容易他們兩個人反咬老婆的大媽朋友，其實，有一句說話可以解決這個問題，就是貧賤夫妻百事哀，老婆的大媽朋友只要唔供樓，欠銀行錢不還，最後會被銀行告破產之外，同時要求她的老公加簽私人擔保，如果老婆大媽朋友的老公是睇錢份上，就會要求割席，離婚是在所難免，老婆話就係咁簡單，我話的確是咁簡單，老婆話不用我去，她們幾個大媽去其中一個人屋企開婚事會議，我甩難。
