昨晚食飯時，老婆話如果我去做檢測，用水喉水代替口水，會有什麼後果，我認為是災難，我立刻會被人起底，千夫所指更加不在話下，不過，我又不會將自己條命嚟較飛，做檢測只是想知道自己有冇確診，如果用水喉水替代，當然測唔到有確診，但並不是代表我沒有確診，死咗都唔知乜嘢事。
老婆話，袁教授表示，有3%做檢測的人用水喉水代替口水，非常之冇公德心，那些人可能是確診者，有機會令到社區大爆發，不過，另一位專家話只得3%，根本毋須擔心，無謂自己嚇自己，老婆話兩位都是專家，究竟信邊個，我話今次很明顯，用水喉水代替口水的人都有名有姓，政府可以追究責任，估計會牽涉到一些不滿意政府人士，所以，梁子超立即話根本是好小事，如果發生在我身上，就好大件事。
老婆話，梁子超話從未聽過有人用水喉水代替口水，兩位專家應該要認真溝通一下，老實說，今次應該是袁教授篤爆，梁子超只不過是淡化，他可能知道誰人用水喉水代替口水。
