中原指數連跌兩個星期，跌幅1.2%，並且創43週新低。有不少人很擔心，認為樓價會繼續下跌，唔知跌到幾時。其實有乜好擔心，老施一早話今年是先跌後升格局，樓價比年初時跌10個8個%是等閒事，最緊要是有成交量，如果有足夠成交量，樓市會在第三季尾作出反彈。如果樓價下跌，但成交量仍然維持在低水平，咁就大件事。第四季一定會下跌，今年跌15－20％亦非順口開河。所以，大家應該留意樓宇成交量，而非樓價升跌。
買樓唔同食飯，因為社運激烈而沒有到酒樓食飯，唔會在社運緩和時食多一餐，但買樓是講需要的。因為社運而沒有買樓，在社運緩和時就會考慮。如果樓價下跌，就會吸引到更多人買樓，而事實上在過去兩個星期，二手樓樓價下跌，但成交量不俗，所以大家亦不用擔心樓價跌無止境。其實，樓市好似一架直升機，車葉轉數夠，直升機就會上升。樓市成交量增加，樓市就算唔升都唔會下跌。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
咁就大件事。第四季一定會下跌，今年跌15－20％