本來在12月有很多應酬，但因為社運持續，差不多所有大型宴會都要暫停一年，變成12月晚上很自由。這是從未試過的事，有昔日在尖沙咀開酒吧的老友吹雞，叫我們幾
個當日開酒吧的人聚下舊，包括一位做睇場的人。今日，當日在尖沙咀開酒吧都可以說是人在江湖。不過，大家都已經金盤洗手，現在講下舊事，甚至唔可以話懷緬過去。我帶了幾支紅酒，有酒飲，大家都講得開放一些。人在江湖的日子，打交就在所難免，好彩我們並未因此留有案底，當時差人話，拳頭交，唔落案，大單嘢就有睇場搞掂。所以，我們很尊重睇場大哥。
酒樓近日生意甚佳，老闆笑逐顏開，但佢唔明白點解激烈示威會突然消失。我們全部都知道點解，話說在開酒吧的日子，不時有人搗亂，睇場基本上可以控制得到。有一次有一幫人連續幾次搗亂，都被睇場壓了下去，那幫人心心不忿，搵到一個社團大佬代為出頭。大佬搵我們幾個傾計，仲話如果是我們犯規，就會被趕離尖沙咀，就算睇場都沒有辦法，唯有見步行步。那幫人見有大佬撐腰，反而不知收手，繼續搗亂。今次輪到我們講嘢，我們對江湖大佬話，既然閣下已經出頭，事情又未調查清楚，點解要搞我們的酒吧。江湖大佬知道理虧，再三表示如果未有結果，那幫人是不准搞我們的酒吧，我隔了不久就離開了尖沙咀，但聽其他人講，那幫人再沒有搞事。
特朗普在美國感恩節之前簽署了「香港人權及民主法案」，表示隨時會制裁香港政府官員或者有能力壓止社運的人，可以講社運人士大獲全勝。大家以為香港可以平靜，原來又唔係，早兩個前還有激烈示威活動，嚴格來說，是不俾面特朗普。既然特朗普已經揹了上身，還搞什麼激烈活動，這不合江湖規距，估計搞手是受到訓斥，所以跟著的80萬人大遊行就非常平靜，原來社運都是江湖事，一定要合江湖規矩。
