二手樓空置量急升的原因

　　有以細價樓收租為主業的老友跟我說，近日新樓大量入伙。他有不少租客在租約到期之後便沒有續租，現在唯有將租金下調，但他擔心，現在香港市民被教育到一定要有自住單位，他的租金會愈來愈低，由以往的日日賺變成日日蝕。他見現在市道好，打算賣走兩、三個空置單位，但所有評論員都話樓市會繼續止升，甚至在18個月內升三成。所以，他現在心大心細，不過他不會問我，因為知道我一定叫佢賣樓。老友其實估錯，現在時勢，寧教人分妻，莫教人賣樓。分妻之後再娶一個都唔係太艱難，賣樓之後就很難再買番。

　　最近顯示，二手樓空置率急升，由大約34,000個升至43,000個單位，很多人都唔知道急升原因。其實很簡單，以老友為例，他有不少租客根本不合資格置業，但地產商提供高成數按揭，他們便可以做業主，影響所及，他們租用的單位便有機會空置，這是做成二手樓空置率急升的原因之一。未來的趨勢是愈多新樓入伙，愈多二手樓空置，租金亦會下跌，樓市就會出現一個反常現象，就是樓價上升，租金下跌。在低息環境業主或者可以捱得住，如果加1至2%利息，不少業主就捱唔住要賣樓，如果政府被迫推二手樓空置稅就更加大鑊了。