在過去一年，我經常都被人問樓市幾時會下跌，尤其是那些剛買了新樓的人。他們並且會說，好彩沒有聽我的說話，否則就很慘。老實說，我除了苦笑之外，真的不知道說什麼。不過，在凱匯大幅劈價開賣之後，那些聲音減少了很多。我有多少不明白，樓市雖然下跌，但比最高峰時只是下跌了6.5%，已經有專家話樓市已經過從谷底反彈，隨時會出現報復式上升。點解取笑我的人減少了？唔通大發慈悲。
我問一個去年買了新樓的人，點解近日聽不到他講樓市？誰不知那人叫我唔好玩佢，如果可以的話，他情願取消那份新樓合約，只要將他去年買新樓的訂金退回給他，點解咁奇怪？他不是經常說好彩在去年買了樓，如果聽我講唔買樓就損失慘重。現在情願取消，一定有一個很大原因。
其實道理很簡單，在凱匯減價之後，跟著到天鑽，Downtown 38，還有很是多減價盤跟著來。如果去年沒有買新樓，現在可以買到更優質，價錢更優惠的新樓單位。現在眼白白睇住那些去年不敢入市的人買樓，心中早已不是味兒，仲點會笑我睇錯樓市。如果時間可以返到過去，他情願去年睇錯樓市，現在就可以施施然買樓。抽唔到都唔緊要，減價盤源源不絕，抽唔到反而有機會買到更平更靚單位。情況有些坎坷，我都唔好意思繼續討論下去。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
「凱匯減價之後，跟著到天鑽，Downtown 38，還有很多減價盤跟著來」。博士在凱匯減價之後話小陽春提早出現。點知喺1月初有一位物業代理公司總經理話得一個凱匯減價清袋，唔算係小陽春，重話訪問佢問佢點睇小陽春嗰個財經記者係新人，唔識野，教導左嗰個財經記者半粒鐘云云。我見到該篇文章就立即留言話如果嗰個財經記者信佢，四圍同人講冇小陽春，萬一續有新樓盤減價大賣，該記者一定俾人笑到面黃，到時就真係多得呢位總經理唔少。幾日後天鑽話劈價賣樓，而且好多人入票。
今日睇新聞，原來2018年新推出既一手盤只賣出約一半，市場上有成九千個貨尾盤。有空置稅呢個追兵在後，呢九千個貨尾盤想賣得出，惟有劈價。劈價應該有承接，因為好多香港人相信「唔買樓都有風險」，所以生借死借都要買樓。咁香港樓市既小陽春，一如博士所料：提早出現。
取消那份新樓合約，