有年輕朋友昨日跑完十公里之後，飲茶時候見到屢敗屢戰沈大師在城市論壇話港股或已見頂，恒指年底時有機會見二萬點，年輕朋友話今次發達，現在市場上有兩盞明燈，股市當然是沈大師，樓市我唔想認都唔得，
今次沈大師話年底恒指見二萬，反而有機會去到四萬點，本來準備獲利回吐，但沈大師這樣說，明天再加注，我對年輕朋友說，今次沈大師在電視公開預測，而且仲咁偏激，其實這是大師終極賭局，大師企圖一鋪番本，莫講恒指年底前下跌至二萬點，就算是二萬五，大師都可以打橫行，我雖然沒有大師睇得咁淡，但我亦認同大師所講，恒指已經到了高位或者接近高位，青姐可能講得冇錯，恒指在下半年或者會溫水煮蛙式下跌。
在去年底，大多數評論員都預測股市今年會上升，但沒有人可以預測到升勢如此急勁，大多數都會話到了今年底，恒指會上升至三萬二，一月剛剛過了一半，已經到了他們的預測，其實，任何人都知道，今次升市全是國內資金，但不要忘記，投資股市資金不同樓市，可以嚟得快，走得亦快，但即使國內資金離開，我相信恒指都不會下跌至二萬點，但無論結果如何，我都非常佩服大師膽量，不似得其他評論員，上升時就會話可以升多兩千點，下跌時就會話跌多兩千點，實牙實齒話股市跌三成幾，不是很多人可以做到。
