早兩日有兩個老友想去澳門賭錢，問我識唔識一些可靠疊馬仔，我話全部疊馬仔都可靠，不過就要要搵一些很疊碼的疊馬仔，因為可以提供較優質服務，於是我打電話給澳門一個著名疊馬仔，並且要求他替我兩位朋友各一千萬泥碼，他說沒有問題，不過我一定要一齊過去，佢可以替我們訂任何餐廳，酒店，全部都免費，於是唯有媒人上轎，昨晚六時大家一起坐直升機去澳門，疊馬仔派了一位女助理到港接我們，如果那位女助理去選今屆港姐，就一定唔會俾人話做馬。
女助理在直升機上交給我兩位朋友各一盒一千萬泥碼，我兩位朋友立刻交現票給她，到了澳門，本來應該去一間米芝蓮三星餐廳，但我兩朋友話兵貴神速，如果去三星餐廳，食完就差不多要走，不如去一間快靚正貴的餐
廳，我考慮也不用，叫司機載我們去西南飯店，我由細食到現在，去到西南都是食那幾樣，好似銀針粉的天九翅，好食到無倫清蒸金邊方脷或者煎黃腳臘，一斤菜只用到二両的灼白菜芯，用油淋的炸子雞，我覺得沒有什麼特別，我兩位朋友就食到儀態盡失，我們到達西南時，疊馬仔已經等我們，並且已經選定了三款酒，拉菲當然不在之列，有25年茅台，30年響，不知年份自釀花鵰，今次大鑊，今次可能真的是共聚共醉。
席間，助手話已經過妥支要，疊馬仔堅持要現金回贈給我兩位朋友，一小時後，我兩朋友先走，但食飯的人則愈來愈多，冇辦法，有飲有食，一定有朋友，大約十一時半，兩位朋友回來，異口同聲多謝我同疊馬仔，話有多少斬獲，其實，助手早已話俾我們知道，兩位朋友輸了多少，恐怕不好意思，叫疊馬仔先走，以免尷尬，我話不必，做得我朋友，多少有點風度，輸多少點會發惡，這也是賭客的基本風度，於是添酒迥燈重開宴。
