有女記者問我現在物業市場，是否炒到冇嘢好炒，竟然有投資者炒單車位，我見到那位女記者只是廿歲出頭，九成九未去過燒臘店斬料，在以前，大家去燒臘店斬燒肉，斬料的伙記會對那些買燒腩肉的人免費送一兩件燒豬骨，但久不久會有人話唔要豬骨，是否可以減收些少錢，伙記會話，燒豬骨是搭燒肉，要唔要都是收咁多錢，並且叫人用燒豬骨煲粥或者煲湯，仲話唔錯，幾好飲，不過，買叉燒的人叫伙記搭燒豬骨，大多數是攞唔到。
今次單車位的交易，並非單獨買賣，而是與其他車位及電單車位一起交易，所以，我有理由相信單車位是燒豬骨，買家要唔要都不會改變交易價錢，老實說，在香港，賣單車容易，超過十萬元一部單都能夠輕易賣出，賣單車位難，業主一定不會在單車位停放貴價單車，因為很容易被人偷走或者破壞，唯有學大業主方法，當拆售其他車位時，單車位是免費贈送，否則，要單獨賣走每一個單車位，我相信不是一件容易的事，雖然在燒臘店門口有燒豬骨單獨出售，但價錢就很相宜。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
燒豬骨，但久不久會有人話唔要豬骨，是否可以減收些少錢，伙記會話，燒豬骨是搭燒肉，要唔要都是收咁多錢，並且叫人用燒豬骨煲粥或者煲湯，仲話唔錯，幾好飲，不過，買叉燒的人叫伙記搭燒豬骨，大多數是攞唔到。