今日勇往直前表示昨日猶豫不決

　　小兒同我講佢有一個朋友，剛剛買入了一個新樓單位，開心之餘話我冇膽，樓市形勢大好，現在唔買樓等幾時，買樓應該勇往直前，而且講了不只一次，甚至在其他朋友面前也不斷提及，令到小兒唔係幾開心，我對小兒講，千祈唔好唔開心，這只不過是小事一件，如果有機會，不妨對他的朋友說，我是等昨日再次到來，小兒唔明白，我話意思是我在過去十幾年勇往直前，不斷買樓，現在我覺得樓價太貴，有多少猶疑，現在唔買樓絕對沒有問題，如果樓價繼續上升，我所持有的物業亦會升值不少，如果樓價下跌，今日用作買樓的錢，他日會買得更多更優質物業，基本上是必贏，點解仲要搏，並非我唔夠膽勇往直前。

　　我經常有一個疑問，點解那些有能力買樓的人要拖到今日才買，我曾經問過那些剛剛買樓的人，答案是當日他們所睇到數據，並唔能夠支持他們買樓，今日又唔同，除了數據之外，各評論員分析亦支持他做決定，令他勇往直前去買樓，答案令我更加模糊，今日的數據怎可能比以往更好，我唔知道那些評論員怎樣做分析，但我認為數據與分析其實都並不重要，那些今日勇往直前去買樓的人，由於昨日猶豫不決沒有買樓，見到身邊的人不斷上車，他們便毅然決定買樓，所以，昨日的猶豫不決才是令到他們今日勇往直前去買樓的主要原因。