今早返到公司，秘書話今日公司全部同事夾份買六合彩，估計彩金有七千萬，問我攞2,100元，其實，我只買過一次六合彩，替我買六合彩的阿姨話，湯生，你唔好同窮人爭飯食，阿姨這樣說，我唔敢再買，改為與公司同事夾份買，公司有大約五十名同事，當彩金估計超過五千萬的時候，他們便會夾份買五張九個字的六合彩，我加入之後，就變成買十張，我出一半，全部同事出一半，中獎之後就分五十分之一，我當然蝕底，但同事開心就
可以，所以，當彩金估計超過五千萬，秘書就會問我攞2,100元。
有同事問我，有什麼心水，我話冇，六合彩開出的號碼，每一個的機會率都是一樣，所以，無謂猜測開什麼號碼，倒不如計算派彩仲實際，那些3，8等號碼一定多人買，就算買中，派彩都比較少，反之，4號，4拾幾的號碼就比較少人買，中咗派彩就比較多，仲有唔好買雙連，中的機會較少，正是千金難買雙連，雖然我有計算，但很可惜從未中過，不過，各位同事有一個希望，就已經值得。
秘書突然找我，佢話ontv搵我直播介紹六合彩買什麼號碼，咁都得，ontv可能唔知道，我一生人只買過一次六合彩，如何教人買，不過，亂咁講我都可以。
