上星期四，在打風前夕，打了一場壁球比賽，雖然是低組別聯賽，但畢竟我年紀已經不少，對手比我年輕20年，如果唔制定一套策略性打法，就算贏第一局，都會連輸三局，所以，我採取一個比較安全打法，就是打大邊，唔打埋身波，否則，若果走避不及，就會被判阻礙對方打波而被罰失分，另外就是唔博，唔好自己打死自己，輸波機會就減低一些，若果對手犯錯，就有機會贏波，不過，這些都是理論，講就容易，做就艱難，但很好彩，當晚我贏了波。 在物業投資，現在我亦採取老將打法，就是打大邊及唔打埋身波，樓價升幅上限比下跌少，大邊就是下跌，利息已無下跌空間，如果以低息理由買樓，即是打埋身波，利息上升樓價大多數會下跌，就會投資失誤而蝕錢，至於供應，唔需要我講大家都知道在增加中，數量之多甚至令到業界有人叫政府減少供應，大邊一定供應增加，需求的大邊亦是需求大，不過，隨著樓價在過去幾個月急升，而國內亦限貸，來港買樓的人就會減少，如果這個情況不變，大邊就會縮小，現在老將打法就是減少投資，如果同意這個打法，我認為勝算機會比較大，如果唔同意，代表那人仍然年輕，輸得起。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
身波，否則，