一個人風度，除咗個人性恪外，家庭教育亦非常重要，亦所謂幼承庭訓，在朱子治家格言裡提及「凡事當留餘地，得寸不宜再往」，基本上，這就是風度。有人曾經問我，什麼人最沒有風度，我一時間唔知怎樣答，剛巧我記得有一個朋友在離婚後，在其他朋友面前不停講他前妻的壞話，其他朋友都唔想聽，最後，我做醜人，同我朋友講，做男人應該有一些風度，如果有人問你點解要離婚，簡單的答是你沒有福份，你老婆是一個好女人，個中因由就不用再提，我擔保，發問的人對你另眼相看，佢唔信，但朋友就漸漸疏遠他，變得相當孤獨。
很多人去見工，都曾經被問及點解離開舊公司，一般人都講得比較隱晦，他們亦知道，講舊老闆壞話是大忌，但若果不是見工，又當別論，其實，這也是風度，既然離開，又何必惡言相向，人際關係如三國演義開場白，分久必合，合久必分，凡事當留餘地。
早兩日我睇到大仙臨別贈言，以為大仙投筆，原來大仙過檔，贈言原來說舊東家不是，今次，蘋果有量度，全文登錄，任由大仙發勞騷，我只是覺得奇怪，既然大仙話臨別贈言，應該就好似王勃在滕王閣序所說，臨別贈言，幸承恩於偉餞。作為一個僱員，如果臨別贈言，就應該多謝舊老闆，或者上司多年來照顧，而非惡言相向，仲達年輕，還可以說少不更事，大仙修為，應遠超常人，唔通，風度與修為無關。
