|
1. 想上車的80後 2015-05-03 20:13:12 |
|
我地2口子今年想結婚.... 諗過租樓......都係其中一個選擇..... 不過都有去睇下樓....... 自己住果個區已經無新樓供應........... 2手業主真係獅子開大口..... 我睇過D成交紀錄..........單位最近一兩個月既成交係480萬.....唔肯定係最高....但係已經算果類單位既高位......但依家業主開520萬....我都去開下樓啦....睇完還佢500萬........但業主竟然反價560萬..........我問AGENT有冇其他單位....佢話無乜...... 之後睇第二個屋苑......該區既2,3線屋苑.....最近一兩個月成交係450萬到........但業主開價500萬.......我都算喇........去睇下.....但到上去既前一刻......業主話俾唔到540萬,,,唔使睇...唔會賣......... 請問大家會如何面對呢D 情況???追入去創新高??定等??? 我依家暫時等新盤 |
|
2. 想上車的80後 2015-05-03 20:14:48 |
|
*新盤唔係我依家住果區.... 要過多幾個MTR站先有..... |
|
|
同樣80後，情況類同。如有時間，希望湯先生可以寫有關我們情況的文章。當然人生是要自已負責任的，並不是指要湯先生提供意見或什麼的。 我住的地區因為重建關係，盤源很少。有的都很舊，四十年樓常見。坐兩個地鐵站是上車盤區，但四十年樓裝修破舊都獅子開大口。但又不忍心搬離父母太遠，畢竟父母年紀大。 |
|
4. 想上車的80後 2015-05-03 20:50:59 |
|
熊兄，我同你既情況真係好似....... http://hk.apple.nextmedia.com/realtime/finance/20150430/53690425 http://hk.apple.nextmedia.com/realtime/finance/20150401/53592619
DSD 既稅收係224億???28000單交易....... 係咪即係剛性需求要好大部分來自投資者...??? 如果政府將DSD 加到10%-20%...有冇用? |
|
|
另外我又諗起，我發現其實有部分業主未必真係想賣樓的。我見過有今日獅子開大口既樓盤，同一個單位隔左幾個月又再放出黎，可能加左價幾十個咁。總之同一個盤長期都放，業主總以為可以加價加不完咁。特別係果d自住緊既盤，試過去睇樓業主好似唔志在咁，女主人咀妙妙咁，好似：你比市價出多一個double送我咪走囉，唔係我成家未繼續響度住囉！ 呢d業主根本浪費經絕同睇樓既人既時間。 |
|
6. to 樓上 2015-05-03 21:00:59 |
|
等多幾日啦,樓市五月八号前爆煲
到時週街平貨益你,唔通你唔信博士?
|
|
7. yy 2015-05-03 21:11:38 |
|
博士用到"安魂曲"來應對CCL141.22 何須歹毒至此？ |
|
8. yy 2015-05-03 21:17:50 |
|
信博士啦！博士話仲有五日就爆煲。 現在博士已為細價樓奏起安魂曲，細價樓離墳墓還會遠嗎？ |
|
|
其實我好少響度留言，既然留開，講多少少。 呢度好多好友，講風涼話。其實我地都唔係話望經濟唔好，只係希望樓價合理返少少，等我地上到車。 我地都係靠自己，好仔不論爺田地，我亦不會要父母借錢。我相信好8/90後好似我咁。 另外我想講，湯先生講既，未必一定對，亦未必一定會發生，但我身邊係有以下，湯先生曾寫過既情況： 1. 身邊有8/90朋友或父母幫8/90後兒女買左樓，擺上fb宣告的。 講真，呢d野擺上fb比人知把鬼咩。情況尤如炒股票/賭錢賺左就四圍炫耀，輸左就呢埋一邊。 2. 自已住響全港入收中位數最低地區之一，落街行下，的確係有見到財仔點紙賣盤，共屋、居屋為主。數量唔多，但久不久就有，最近好似密左的。但同一時間係唔會有兩個的。總之今日行出地鐵有幾張紙點左，隔一至三個月對面街會貼賣第二間。 當然，到底呢d盤有幾多？係唔係湯生講到咁多？冇人知。不過湯生講既情況多多少係存在，只是數字問題。
|
|
10. 想上車的80後 2015-05-03 21:34:13 |
|
同意熊師兄..... 我地2口子...都係靠自己上車........但對住依家呢個價....真係唔敢買.... 我地2個既人工唔算低...... 但要買個600萬既單位真係好大壓力.... 最少都要供20年啦.......邊個可以保證黎緊20年都咁低息, 經濟咁好.... 我讀過少少書....知道利息上升既後果........有前人同我地講過97年樓價高利息高既情況 我地只係想安居樂業姐..... 有時覺得...係香港...想靠自己真係幾難......
|
|
11. 熊 2015-05-03 21:44:52 |
|
我都記得我屋企，97果時父母要捱十幾喱息既情況。父母打份工，比銀行既錢幾乎全部係利息 睇新聞，好多畢業一兩年就問父母要首期。可能果d家庭得一個仔女。其實一畢業就要買樓？香港而家就係咁.... 其實上一代好多人都係做左十年至比到首期.... 我希望果d問父母拎左首期既子女最終都會孝順父母。唔唔好經濟環境改變時辜負左父母既血汗錢。 自問屋企幾兄弟姊妹，個個返去問屋企，父母賣血都唔掂，所以盡不會打老人家主意。 |
|
12. 樓上老友 2015-05-03 21:48:51 |
|
樓價合理回落少少當然不是壞事,
大部份好友相信不太介意,平常事.
但樓價爆煲會死很多人.好友與淡
友不同處是好友不會望人pk,正能
量較淡支強.
|
|
13. 熊 2015-05-03 21:54:35 |
|
除左加息，另一個問題係，而家放出黎既二手盤，大多係湯生講逢三退一，垃圾房樓上、電錶房樓上、低層等既盤。貴到離譜，將來防守力一定係最低，跌就跌先跌多既單位黎。 真係買左，睇住自己積蓄貶值，真係會好驚。 |
|
14. 人人 2015-05-03 21:58:41 |
|
大把新樓供應，住遠幾個站有什麼問題！ 又要馬兒好，又要🐎兒不吃草。
好多新家庭住將軍澳，老豆老母住港島東區 |
|
15. 想上車的80後 2015-05-03 22:09:35 |
|
人人兄，我正正講緊將軍澳........ 我講果個上1,2個月成交450萬, 依家開540萬....係夾屋..... 果個最近成交480萬, 依家開560萬...係一個廿年樓既二線屋苑...... |
|
16. 熊 2015-05-03 22:11:06 |
|
好多新家庭住將軍澳，老豆老母住港島東區<-- 將軍澳港島梗係冇問題, 但係而家既情況係, 屯門元朗仲要轉程小巴村巴, 父母住港島呀........ |
|
17. Gorcott 1 2015-05-03 22:26:15 |
|
To: 熊，我有個中學同學，大家在外國讀書，他成績普通，入不到一流大學，97時回港，在我們前死要面，要佢老豆比首期買樓，同女朋友一起供，結果大家都知啦！但係我哋想不到係，最後佢同女朋友一起燒炭，老豆冇仔送終。所以政府現在做Ｄ招令Ｄ無能力Ｄ人唔好上車。這麼多年我還記得佢個買樓後的招積樣。 |
|
18. 熊 2015-05-03 22:28:10 |
|
樓價合理回落少少當然不是壞事,
大部份好友相信不太介意,平常事. <---
呢個講法就先要睇個人既財務狀況, 一個財務狀況健全冇欠債既好友, 當然唔怕市況回。 但現實係, 好多好友財務狀況並不是健康的。 我住在全港入息中位數最低的地區之一, 見到被財仔點紙賣的多是共屋居屋。 細個時住共屋, 樓下會有一堆人賭錢, 有人賭輸到要借大耳窿, 同一層試過有人還唔到錢比人放火, 差d燒埋我屋企。 而家d大耳窿正名晒, 變晒做財仔。 董伯時, 賤賣共屋, 十幾萬有間, 同學有個爛賭老豆吸毒細佬, 得佢阿媽一個做小販, 就咁拎左十萬出黎買左自住層共屋。 我諗層樓而家都值二百個。 呢幾年, 大家睇電視, 連愛回家時段都播財仔廣告。其實有幾多人借左財仔去還賭債清卡數? 呢批人, 如果樓市跌一成, 加息一喱, 會點?! 每次我見到供屋居屋銀主貼紙, 我就諗起呢d人。 當然, 呢批人, 咩野時代都有。 其實湯先生講既情況係存在, 只係數目有冇佢講到咁多, 係唔係會有咁大影響。 我只想講, 文章睇完自己分析就好, 亦不用留d太刻薄既說話。
|
|
19. 熊 2015-05-03 22:32:11 |
|
to Gorcott: 這正是我想講的說話!!! 買左樓擺上fb... 如果樓市轉勢.... 你身邊個個都知你捱緊...... 人生係自己行既, 得既失既, 好既醜既, 自己負責, 對得起良心就好。但就無必要將自己既人生變成一場戲被人睇。 |
|
20. 熊 2015-05-03 22:32:48 |
|
TO 80後: 我諗我地住同一區 |
|
21. 深圳樓vs香港樓 2015-05-03 23:03:49 |
|
香港各位朋友不斷討論本地樓價高低,升跌。 我想話, 大家可有留意北,上,深的樓價? 當北京3環普通樓HKD8000/尺, 上海內環附近7000/尺, 深圳福田6000/尺, 香港的樓價還算貴嗎? 大陸的樓宇質素及物業管理比香港差很多, 社會問題更加一羅羅, 當深圳今年頭3个月依然升10%, 香港有多大機會跌呢？我也覺得香港樓已經很高, 只是又相信深圳樓不跌, 香港想跌都難。。。 |
|
22. 人人 2015-05-03 23:52:22 |
|
㚒硬上車就不要上， 冇樓唔駛死！ 要一家父母七口幫上車！不如唔好買，自己收入不夠，跌個陣時冇救命錢，只有催命符！ |
|
23. 支持博士 2015-05-03 23:52:54 |
|
博士說3個月後，即5月8日會開始轉勢回落，不是說會低於某指數，因為從2月起這3個月仍會升，8月後才會低於136，很有信心博士會勝出！好想請博士吃飯！發財立品，博士也，不是那些只顧多賺幾個嗅錢的害港無良賭徒（所謂投資者）。 |
|
24. 人人 2015-05-03 23:55:55 |
|
你返工，你點照顧老豆老母，
你要老豆老毋照顧差唔多！
如果真係孝順，請個工人照顧起居，唔好問老豆老母攞首期。 |
|
25. 人人 2015-05-04 00:01:25 |
|
你地甘心俾二手樓業主玩都冇辦法，
我買樓從來不買吊高來賣既樓！
明買明賣，公平交易！
|
|
26. 惜緣 2015-05-04 00:40:22 |
|
同意博士的說法，在下亦正在採取“逢三退一”做法，等待下一個機會的來臨。
面對那些冷嘲熱諷，博士表現得如此寬容，令在下非常佩服。
博士的文章是在下每天最好的精神食糧。博士，加油！ |
|
27. 引刀一快 2015-05-04 00:51:31 |
|
To 24樓 人人兄
“如果真係孝順，請個工人照顧起居，唔好問老豆老母攞首期。”
同意一半，如果依傢住屋條件唔夠，唔俾請印傭喎。
其實如果兩老年事已高，番大陸養老都係非常好嘅選擇。 |
|
28. 引刀一快 2015-05-04 00:55:01 |
|
To 17樓 Gorcott 1
係咪真架？講還講，咪杜撰D咁嘢嚟嚇人喎！
好恐怖........................ |
|
29. 蜕变中嘅懒人 2015-05-04 08:29:47 |
|
樓市現已進入QE温室效應，樓價將與海平面同步恆定緩慢上升，無波濤、無波幅、無驚喜、無驚嚇、無須假厚道危言聳聽，只害了年青人望樓兄嘆！ |
|
30. 蜕变中嘅懒人 2015-05-04 08:39:57 |
|
博士近月樓市論調，只可用＂條條大道通羅馬＂來總結：
羅馬己幻化成香港，只有細價樓必大跌嘅城市！ |
|
31. 小讀者 2015-05-04 10:10:31 |
|
都係80後, 其實我上年一路鬧博士 (上年博士仲唱好既時候已經好多人講緊博士今年講緊既利淡因素), 一路做功課, 足之係鬧住黎上車. 無他, 唔係心理不平衡, 而係同好多人一樣面對緊好多現實原因.
第一大家見689冇料到唔想再等; 第二大家80後即係都近35歲, 想同銀行借30年錢而個係一條死線 (正常人65退休); 第三, 上年5月係細價樓爆升前夕, 個時仲有比較可負擔既 3 百萬2手樓, 而講左好耐既平價新盤從來冇出現過; 第四, 雖然結左婚都可以租住先, 但租金一樣升緊, 我用 excel 計過數, 加晒買樓既雜費再同租樓加閒錢投資比, 20年後樓價打和都係買樓抵; 最後加上80後打工仔到而個年紀係差不多岩岩好儲到首期同過到上車盤既壓力測試. 以上都係現實原因令細價盤由上年 6,7 月開始爆升.
另外湯生久唔久會鬧下人賣自住樓, 其實香港人好精, 大家都見到上一輩既人靠咩發達, 大家亦學識身邊既人上一次係點賺大錢, 所以湯生而D上左岸既唔需要質疑你口中 '逆炒賣' 既人, 有機會邊個唔複製上一輩既成功個案先得架. |
|
32. 蜕变中嘅懒人 2015-05-04 10:11:21 |
|
博士＂细價樓爆煲論＂比李宗吾＂厚黑學＂勝千倍！应得諾貝爾文學獎。 |
|
33. 好文重温之- 重要日字 2015-05-04 11:01:22 |
|
細價樓將會在三個月內爆煲 湯文亮博士 紀惠集團行政總裁 2015年2月9日 雨後春筍，我相信大家未見過，財務公司增長速度大家亦未必知道，在2009年，全港只有300間財務公司，今日有1,200間，不但數目增長速度驚人，而 每一間財務公司所涉及借貸亦同樣驚人，而那些借貸已非二按那麼簡單，而是三按，四按。那些細價樓業主，從第一日向財務公司申請二按開始，根本無力清還，不 過，樓價急升，他們可以將物業轉按，以貸養債，從數據來看，根本沒有欠款不還，而事實上，他們越借越多，連經營財務公司的人都感覺到已經到達了臨界點，最 近有一個銀主物業被發現經已四按，雖然，拍賣後所得款項不但能夠還清欠款，業主亦可以得回些少本金，但一葉知秋，現在，最基本的就是每一間財務公司最少都 有十個四按物業，即是市場上最少有12,000個四按物業，這是一個火藥庫，莫講話樓價下跌，就算平穩都會引發危機，我認為快則三個月，慢則六個月，這個 危機一定會爆發，結果當然是樓價下跌，如果政府管制財務公司，這個危機會立刻出現，大家驚唔驚。 細價樓爆煲論之始末因由講座 湯文亮博士 紀惠集團行政總裁 2015年4月14日 從一切跡象來看，細價樓應從今日開始爆煲。從現在有些地區的細價樓要價，比個多月前創新高時有超過15%跌幅，例如沙田第一城398呎單位，在大約一個多 月前的創新高價是468萬，當時被傳媒大字標題，廣泛地用作樓價指標，現在有高層單位開價398萬，又唔多見有報導，試問，那個創新高的買家會不會撻訂， 如果撻訂，又會不會影響指數。 |
|
34. 盲Ｌ咗 2015-05-04 11:09:10 |
|
博士說3個月後，即5月8日會開始轉勢回落，不是說會低於某指數，因為從2月起這3個月仍會升 |
|
35. 細價樓吾爆 2015-05-04 13:53:39 |
|
就算細價樓吾爆，博士犧牲自己名聲，可以換來社會關注，喚醒一部份準備借財仔又實力不足的朋友，你覺得博士贏咪贏，輸咪輸囖。 |
|
36. 爆煲!? 2015-05-04 15:20:44 |
|
雅濤閣未補價居屋 呎價破1.09萬再封王 未補價居屋樓價未有回落，房委會資料，黃竹坑居屋雅濤閣中層單位，實用面積約576方呎，第二市場售628萬元，追平全港第二市場最高成交價紀錄，實用呎價逾10,900元，更創全港第二市場呎價新高；而4月第二市公屋及居屋暫錄約70宗買賣，有機會屬近年低位。
據了解，今年2月鰂魚涌居屋康山花園8座極高層單位，綠表價售約460萬元，實用呎價約10,436元，為對上第二市場呎價新高紀錄，是次紀錄再推高約4.5%。
|
|
37. to: 36 樓 2015-05-04 16:08:21 |
|
黃竹坑居屋雅濤閣中層單位，補地價要幾多錢？ |
|
38. 蜕变中嘅懒人 2015-05-05 00:00:55 |
|
博士係扮演緊神算子定係烈士，好快就會揭曉，贏就贏梗嘞，只差未知塗白面、定係塗黑面上台領獎啫，恭喜恭喜。
所以呢場口水戰唔係買輸赢，係買黑白色，懶人買黑色。 |
|
39. 纳米樓氣勢如虹 2015-05-05 00:15:23 |
|
土瓜灣細價樓一Q清袋！點解大家唔聴博士話！ |
|
40. 蜕变中嘅懒人 2015-05-05 00:28:12 |
|
閒人談樓日悠悠好淡争持幾度揪 網中好友今何在 街外樓花現人流 |
|
41. 蜕变中嘅懒人 2015-05-05 07:37:41 |
|
創新低、商舖減租、退租、空鋪交響曲之起奏。
博士近月过份担心細價樓唔爆煲，落晒全副精神去作大催谷，其實你麾下細價樓絕無僅有，吹皺一池春水、干卿底事？
反而商舖市況不妙，雖然博士商業物業多到不能倒，但始终關係相對貼身啲，但竟隻字不提，就得關人Q事、四個大字。
細價樓上咗車同未上車嘅都係窮人，算博士真好心想救未上車嘅窮人，但要去害死剛上咗車嘅窮人於心何忍，話博士仇窮人心態唔合邏輯，唯一合理解釋係仇細價樓，必置之於死地而後快！
仇富心態常見；仇細價樓心態，博士首創先河。 |
|
42. 大寶二寶 2015-05-05 09:31:29 |
|
往時談樓樂悠悠 點擊回應好勁揪 網中友好今何在 慨嘆緣散别離愁
共億之，哈哈！
|
|
43. 引刀一快 2015-05-05 11:37:54 |
|
大寶兄
你有冇諗過一個問題，就係某些人士，依傢睇見形勢唔對，唔敢繼續喺度做好友，又唔願承認經濟環境嘅變化會影響樓市走勢，承受唔到論調開始与現實不符，唔見人扮世外高人出咗世囉。
你估個個好似懶人兄咁直言快意咩？ |
|
44. 自我陶醉 2015-05-05 12:32:24 |
|
往時看淡被圍攻 今朝唱跌亦相同 言論自由其可貴 心無罣礙自從容 |
|
45. 笑看人生 2015-05-05 14:37:23 |
|
人生應該樂悠悠 點解反應咁勁揪 命裡有時終須有 無謂慨嘆無謂愁
|
|
46. Oscar Lam 2015-05-05 15:29:24 |
|
潮起潮落必有時 市升市跌自然事 好友淡友喜相逢 千杯共醉至天明 |
|
47. 魚蛋仔 2015-05-05 17:05:26 |
|
幾位師兄詩興發， 樓價升跌都不怕; 生活有序儲備足， 急得博士眼碌碌。
|
|
48. Gordy 2015-05-05 22:15:15 |
|
樓市起跌屬常事 聚首一堂皆有緣 平心討論識英雄 冷嘲熱諷說不通 |
|
49. 惜緣 2015-05-05 23:32:06 |
|
不要執著於輸贏 全是紅塵的過客 生是赤條條的來 死能帶走些什麼
南無阿彌陀佛！ |
|
50. 笑看人生 2015-05-06 00:27:34 |
|
好多師兄已無憂 何必為啖氣咁愁 人生短短幾十秋 笑看人生樂悠悠 |
|
51. 蜕变中嘅懒人 2015-05-06 07:29:36 |
|
|
|
52. 引刀一快 2015-05-06 08:28:02 |
|
勸君莫惜有三址 勸君惜取退一時 獲利堪撤直须撤 莫待價落空悔之
|
|
53. 蜕变中嘅懒人 2015-05-06 08:40:32 |
|
含情凝望小肥豬 遠觀近賞四佳宜 千金難捨心頭愛 一往情深誓堅持
|
|
54. 掹車邊80後 2015-05-06 08:53:03 |
|
有需要真係要買，始終上行風險包括時間，我地80後好快就中年 但唔好追價，之前試過好多間後都遇到個想送女女讀書的貼市賣
|
|
55. 惜緣 2015-05-06 12:23:30 |
|
惜日情誼暫不見緣聚緣散亦自然 懶得分辨對或錯 人云亦云無創見 情義自古兩難存 永遠友情永遠在 在於大家會否惜 |
|
