我早一排呢篇文章，應該無乜問題啩。
呢排好多人談租管，以下係愚見：
1 若是吉屋大把，鎖匙盤一大堆，咁實施租管來托杉？
……呢度無花無假。
當年租管主要針对2項：1. 過高租金。2. 業主隨時趕走無租約租客。
2 每一個單位的外在及內在條件，都有所不同，因此租管若要執行，應該係限制業主加租幅度，同埋強制原本的租客有優先權以市價續租，咁由今日開始，如果小業主有楼出租，佢唔攞到個價盡，他肯定细個嗰陣上数學堂瞓咗覺，因為今日的價會影響以後的價。
…… 事實勝於雄辯。
當年租管係即時鎖定個別1年前已簽訂、或無租約嘅現有租金额作歷史租金納入管制，並無所謂市價租金。
3 呢拾多年小業主通常以全包出租單位，但在實施租管後，小業主應該要租客交管理費，因為：A 管理費無得扣税，而且果D半新舊楼，又會所又泳池，每呎管理費要你 3.X，叫有良心；B 因為有最低工資，管理費加幅少過通漲的機會，幾乎係零……
……豪宅、商廈及舖位，好多時管理費由租客缴交，那麼中小型楼宇租约寫明：「由租客交管理費」點解唔畀？？
有無租管都一樣，租客走佬欠交管理费業主上身。
4 第二時業主不會再提供任何「道具」，或在租约寫明呢D「道具」，乃暫借形式供租客使用，咁即係第2時你租客家电有壞，請貴客自理！
……喺租盤充足年代，租客係靚女，好多人追，咁你唔裝扮好自己，點令人落搭？但做過收租佬的人都知，家電會壞有如人有生老病死一樣，係無可避免的，咁為求免除責任，點解政府唔畀收租佬以「吉屋形式」將楼宇出租？
當年租管無规定業主要维修，若成危樓要重建、業主要補償租客遷出。
5 實施租管後，那些業主會嚴選租客，呢七八年有D業主已經要準租客提供公司任職証明，以核實你能夠交倒租，打後就算你嗰件係沙一395，亦會訂定以下條款：「任職公司要提供担保，保證租客準時交租」！
……有咗租管，要是你租咗層楼畀租霸，咁就死得，那麼我叫租客揾人簽担保，過份咩？
通常公司唔會担保，只會發出在職收入證明，如果租客唔交租、轉工或失踪點計？
6 同實施打房政策一Q樣，對上幾年無實力者不能買楼，同一道理在實施租管後，就变成只有交「贵租」能力的租客，才能租倒楼，有理由相信租管有同市值租金掛勾條款，即最高加幅随時會变成最起碼加幅，與香港的公用事業有利潤管制变利潤保障一樣。
…… 森林定律就是「汰弱留強」，在租盤仲係供不應求 的年代實施租管，那麼焗要租楼的人， 就篩剩最有交租能力果班，唔通有錯咩？如此這般由最有消費能力者，定市值租金係多少，會係瓜定菜？
租管係壓業主、唔係對業主有利、甚至係對業主不公平嘅政策。
7 外籍家庭傭工同我講，她們頭嗰年的人工，有6成入袋要偷笑，因為要畀中介過水濕腳。如實施租管，咁應該有D「 無良業主 」會要求租客在續約時，要揾地代「辦正手續」，地代收費當然不菲，至於地代真正落袋有幾多……你懂的！
……收租佬做正手續續租约，打正厘印，咁有何問題？？
小心，咁做犯刑事法。
8 我绝對有理由相信，實施租管後，實質租盤應該會有所減少，地代為了求盤，咁第二時業主出租物業可免佣，而地代無奶油同你白做，咁本來呢半個月佣，就由租客硬食，亦係「 合理安排 」！
……一手買賣，買家免佣之餘隨時地代有回贈；香港亦曾經有業主免佣年代，只要業主同租客，都知對方要畀幾多佣给地代，咁政府有何理由，管制埋經紀免費同边一边做嘢？
要修改現有佣金管制條例。
