|
1. 山高雲低 2014-05-28 09:11:55 |
|
同意新DSD為發展商出货，但政府勢不可不這樣做。這不單將發展商手中難出货的现楼推出市埸，加快流通，增加供應。最大的可能性换取議員通過DSD，因為政府眼中只有自己的政治本錢，其他的都是市場的自然反應。這些反應，大部分都是政府始料不及的。適得其反，弄巧反拙的为数不少。
|
|
2. 亮劍 2014-05-28 09:19:03 |
|
第一日出單價表既時候我就係度諗如果鯇魚有三百零實呎既細兩房，又係做7700既實呎價，個盤想唔爆都難------------ 長江喺四五六年前投翻來嘅地，預計銷售計劃係將呢啲單位賣俾境外人仕、換樓客、投資者及收租佬，因此盡量劃出大部分單位做三四房，以針對客戶所需。 但幾年前政府為咗回應民粹，批出土地唔少以上車客為優先，其他人仕靠邊站。 除了 3 D外，政府仲特登將中上價樓的按揭條件攪到天高！ 咁李嘉誠早前嗰D投返來的地盆，因為上曬大則甚至批鬼埋，根本無灣轉。 如此這般呢批項目立即坐艇，仲捱緊價。 本來可賣拾多個月樓花嘅盤，現在變成要賣中短期樓花甚至現樓！ 本來可以溢價幾成售出嘅樓宇，現在要以貼近市價放！ 本來大陸客以團購方式當你西餅咁掃，現在變成間唔中先得一個半个，仲要同佢交乜D物D！ 俾着我就心淡----- |
|
3. 人權何在 2014-05-28 09:43:39 |
|
想用錢在香港也這麼多限制人權何在, Freedom to spend money has been restricted by all these stamp duty accordingly human rights are infringed in HKSAR. |
|
4. 石鏡泉 2014-05-28 09:59:06 |
|
" 要拉窄貧富差距，怕仍離不開政府怎為大眾廣開財路，而不是廣派米路，後者是社會主義者或民選議員的通常建議，為人民爭取米路（福利），自己才有米路（福利）。現實是米路（福利）多到政府（納稅人）負擔不來時，政府陷財赤，破產，那時揸兜也無得乞，這是歐美今時的困境。"
|
|
5. To 4 2014-05-28 10:03:35 |
|
歐美有技術, 科研, 農業, 自可以撐下去的, 這裡屁都不多一個, 周大教授會研究這些麼? |
|
6. 蜕变中嘅懒人 2014-05-28 10:20:02 |
|
4樓嘅石鏡泉文章，應該派俾現任正苦凸手同縣官，每人一份放喺枕頭底，每日上班前食早餐嗰陣讀一次，然後冥想三分鐘至出門。 |
|
7. 黃鼠狗跳牆來與雞拜年 2014-05-28 10:25:33 |
|
凸手同縣官各懷鬼胎, 隔離果個如是說: 「澳門行政長官崔世安指市民對離補法案理解不全面」 |
|
8. Peter Paker 2014-05-28 10:35:36 |
|
c 類單位空置 （實用：753.2 - 1076呎）
|
|
9. Peter Paker 2014-05-28 10:41:58 |
|
as at 31-12-2013
C 類單位存量：134,494間（總存量的12%） 總存量：1,123,633間
C類空置量：6,076間
C類落成量（2013）：1,207間 （拆缷量：111間） |
|
10. Peter Paker 2014-05-28 10:54:32 |
|
從上述C類單位數字看，就算政府放鬆DSD換樓規定，都未必有太大作用，因為C類空置量少且呈急速下降趨勢，C類單位4.5%，創1993年後新低，証明盤源正在乾水中；其次落成量少得驚人，2013年只有1,200間
一手樓而言，放鬆 dsd 換樓限制，的確方便賣樓。對二手市場，由於C類空置乾水，市場冇咩交吉盤，有一部分放盤係連租約，新買家收樓後都冇得馬上盤入去，放鬆 dsd 換樓限制根本冇咩幚助
|
|
11. Peter Paker 2014-05-28 11:07:10 |
|
限呎的威力開始浮現
2013落成量 A 1423間 B 4688間 C 1207間 D 573間 E 363間
total 8254間
C類過去落成量 （單位數字）
2010 4,534間 （全年落成的33.8%） 2011 3,101間 （全年落成的32.8%） 2012 1,720間 （全年落成的16.9%） 2013 1,207間 （全年落成的14.6%）
以落成量及今日空置率推算，C類開始步入乾水且落成量比例開始卻不斷下降，你話 dsd 放鬆換樓限制有什麽作用？？？？？？？？？？？ |
|
12. 亮劍 2014-05-28 11:20:07 |
|
我早個零兩个月，不斷地向傳播媒介發炮，話拒哋選擇性報導市況，以偏概全地將叫價減到變市價報導成劈價！ 現在經濟日報覺悟咁做有失操守，因此編採在呢个多月開始從善如流，持平及客觀地報導翻事實出來，在此本人對hket作出讚賞。 暑假將至 內地生搶租細單位 沙田偉華中心高層呎租44 高市價5% 暑假將至，市場開始出現內地大學生搶租盤的個案，預期可帶動中小住宅的租金進一步向好。美聯物業首席高級營業經理陳國良表示，沙田市中心一帶數個中小型屋苑，本月至今錄得約22宗租務成交------(通常六月底開始才是大學生租房高峰期) 畢架山一號複式 呎售3.85萬破頂 【本報訊】九龍塘畢架山一號創新高價，屋苑一個複式戶以8,800萬元易手，實用呎價3.85萬元，屬歷來呎價新高。 第一城套3房連約 748萬售 沙田第一城本月成交暢旺，月中以來3房套房大單位屢獲追捧，更有即放盤即獲承接，遲來一步的睇樓客只好再等入市機會------ 太古城本月40成交 16個月高 【本報訊】鰂魚涌太古城5月份成交宗數已達40宗，屬逾1年最旺月份，盤源收窄下，最新南山閣低層連租約戶以586萬元沽出。 一號‧西九龍 租賃成交飈6成 長沙灣一號‧西九龍租賃交投轉快，本月已錄29宗租賃成交，較上月全月多出6成，4房海景戶最新以3.1萬元租出 |
|
13. 湯文亮 2014-05-28 11:36:06 |
|
亮劍兄， 所以我才替經濟日報寫世界杯特輯「以波論樓」，六月九日開始，記得睇，多謝 |
|
14. Peter Paker 2014-05-28 11:47:42 |
|
經濟講缺盤太遲 , 東方日報早2個幾月前已報，side 氣 |
|
15. 惜緣 2014-05-28 11:55:40 |
|
据地代資料，最近两星期嘉湖山莊每十宗買賣成交中有六宗是連約盤，現時1個市價放盤通常有2-3個客争購，最後要比市價貴少少才可買到。 |
|
16. 物業初哥 2014-05-28 11:56:49 |
|
現在DSD經修訂後，買新樓的可以等簽訂正式契約才放盤出售他們的物業，整個換樓過程可能長達36個月，比現時不知好多少倍，不過，若果可以的話，我想大多數的小業主都不會放售他們的物業，直至接近成交期才會考慮，小業主若果這樣做，其危險性是相當之高，新DSD變成引誘市民同時間擁有兩個物業，即是炒樓 ---------------------------------------------------------------------------------
這樣說,換樓客會於臨上會前才賣舊樓,到時市況好與壞都不得不賣了... |
|
17. 亮劍 2014-05-28 12:27:37 |
|
PP兄……遲来的改过，好过永不認錯！ 並望湯博士在經濟寫嘅專欄成功！ 而今年世界杯我買……巴西捧杯。 |
|
18. 蜕变中嘅懒人 2014-05-28 12:35:32 |
|
好消息： 獅子銀行1個月內2度調升屯門细價樓估價，懶人喺屯門嗰3間出租細價樓，租金同樓價齊升，老婆鍚晒話13年賣西九中價樓，唔賣屯門細價樓係英明決斷，其實懶人都係聽前輩指引啫。 擁有屯門細價樓嘅網友，請同聲一笑。 |
|
19. 蜕变中嘅懒人 2014-05-28 12:53:01 |
|
懶人其實都計劃定17年左右，若有機會就入番件港鐵上蓋、有特大會所同室內泳池、樓下有大商場、過1000實呎大單位，或者相連細單位打通，最好有埋車位，自住或收租，因為到時呢類單位，再過三幾年會搶崩頭，樓價會go go go。 懶人係幻想型樂天派，而家成日當已經買咗，正在喺室內泳池游緊水，諗吓都好開心。 |
|
20. 肥婆四 2014-05-28 13:28:10 |
|
懶兄財色兼收，我都賛你高興！ |
|
21. 不明白 2014-05-28 14:03:42 |
|
但聽講之後月月有新樓賣, 那麼價格是否應該回落? |
|
22. 蜕变中嘅懒人 2014-05-28 14:35:26 |
|
TO 20 肥婆四 好多謝你，希望兄台都有好消息報告。 TO 21 不明白兄 兄台唔明白唔奇，係因為你無研究過法子兄、亮劍兄、PP兄早前嘅預示爆边啓示錄，不過懶人初時都唔明爆边係乜傢伙，以為係樓市全面急升，谷到樓市好似西瓜咁爆開两邊，咁勁？唔信！後來忍唔住都要留言請教法子兄，先知道係講細價樓租金先升樓價續爆升，事實上而家係靈咗，所以真係令懶人拜服三位高人，湯博士更加己經指出唔使等到7月，又中；不過講到大價、中價樓就爆唔起並可能缩水，新盤想爆就要低市價出貨，不過點平都貴過細價二手樓上車盤好多，租同賣都供不應求下，於是爆埋一邊，到今年年尾都好硬淨，兄台同意無？可以抒發吓意見。 |
|
23. 大寶二寶 2014-05-28 15:06:41 |
|
回22 懒人兄
祝賀懶兄屯門三寶大升， 雖然我冇屯門樓， 都替師兄高興。 都話細價樓呢兩年冇得輸， go growth goal!
共勉之， 哈哈！ |
|
24. 亮劍 2014-05-28 15:10:02 |
|
蜕变中嘅懒人----- 爆邊----即等如租金或樓價喺一段中短時間內，反覆地穩步地上升。 爆升----就係喺一段短時間內以井噴式上升。 我前幾日聽到朋友講，在九龍西有D百呎唔夠嘅劏房，竟然可同時住三或四個男人，先先以為佢哋孖鋪或瞓轆架床，原來聽真啲係他們為節省租金，而玩瞓覺輪班制先真！ 每日 24小時，A就 6 – 12時睡覺，然後 B 12 – 18時揾周公，C就瞓 18 – 24時，D最正係 24 – 6時------ 其餘時間大家各自開工或去老麥食嘢！ 如此負房間空置率，請問租金怎跌？ |
|
25. 蜕变中嘅懒人 2014-05-28 15:56:43 |
|
多謝大寶二寶兄，你都公布吓好消息，與網友同樂，互相鼓勵。 亮劍兄，三四個男人租一間劏房輪流用，呢種房俾個專有名詞，叫做： 三人輪間房，或者叫做四人輪間房，一係索性叫做輪間房；或者避免誤會都係叫做輪瞓房好啲，掂唔掂。 |
|
26. 蜕变中嘅懒人 2014-05-28 16:08:03 |
|
亮劍兄，而家啲房名真係因用途會不斷創新，劏房個名都唔係創造咗好耐，跟住有棺材房，而家又有輪間房（輪瞓房），跟住會有乜野房名呢？ |
|
27. 亮劍 2014-05-28 16:53:23 |
|
幾名沙煲兄弟，包个場做洗碗，大家輪流去幹活，輪流上房休息，捱他五六年就可每人買間屋，咁先係獅子山精神，咁香港才有得救，我向四君子致敬！ |
|
28. 肥婆四 2014-05-28 17:03:54 |
|
咁樣發展落去，遲D會唔有埋房心呢？ |
|
29. 山高雲低 2014-05-28 17:33:17 |
|
BSD，SSD &DSD的祸害可能造成樓價暴升暴跌。超人說最快第三季出現。山高氏估計爆上的機會較大。因為超人並不急於賣樓。郭氏兄弟減價也不是真的減價。(有AVERAGE的優勢) 山高氏擔心的是到時CY如何收科?? 最可怕的是再重SSD，BSD&DSD，玉石俱焚。然則這不是港人之福。 |
|
30. 亮劍 2014-05-28 18:06:05 |
|
四哥……呢D「輪間房」首先由香港的有色人種首先創造的，而根據香港打後幾年市區重建步伐的推算，呢D幾千银月租的劏房，真的会乾塘呀！ 到時幾丁友夾租住輪間房，绝非講笑！ |
|
31. 隨機應變 2014-05-28 18:53:19 |
|
恭喜晒懶人兄。 小弟亦都睇好細價樓 特別係200左右既，租金回報率相當可觀 |
|
32. 小陽 2014-05-28 19:15:55 |
|
|
|
33. 蜕变中嘅懒人 2014-05-28 19:19:01 |
|
TO 31 隨機應變兄 懶人今日好似做新郎哥，好多人恭喜，開心到極，希望網友人人辦喜事，個個開心。 兄台話亦都睇好細價樓，特別係200左右既，租金回報率相當可觀。
但係200左右既細價樓好似無乜，都幾難揾，好似屯門三寶偏廦啲屋邨可能重有機會揾到，不過其他边度重有就真係好難諗到，兄台有乜好介绍？ |
|
34. 蜕变中嘅懒人 2014-05-28 19:27:43 |
|
TO 小陽 懶人知道，鍚老婆係想有幸福家庭第一守則，錫仔女係第二守則，聽老婆話至有發達係家傳秘笈，懶人全部做足100分，不過得一個仔，但係無女唔知使唔使扣分。 |
|
35. 亮劍 2014-05-28 20:00:11 |
|
美聯:啟德地造價勝預期突顯市區地有價有市
欄名:香港經濟
地政總署公佈，大埔市地段第214號大埔白石角科研路及新九龍內地段第6541號九龍啟德地盤1H3，分別以24.12億元及25.2億元售出。美聯測量師行董事林子彬稱，啟德市區地獲12份標書，反應踴躍，成交價亦高於市場預期，樓面呎價高逾6千元，突顯市區地「有價有市」，獲發展商垂青。然而，同日截標的大埔白石角地皮儘管避過流標情況，但由於區內不乏同類中密度豪宅地的供應，在發展商審慎的入標反應下，以遠低於市場預期呎價成交，日後同區的招標地皮依然備受考驗。
地政總署公佈剛公佈招標結果，鷹君（041）以24.12億元奪得大埔白石角科研路地皮。地皮在招標前早已被市場看淡，只不過今次較市場預期的更低，以最高可建樓面將達73.09萬方呎計算，平均樓面呎價3,300元，為同區眾地皮歷年來最低，以麵粉價計，仲平過2007年天賦海灣第2期的溋玥！
白石角附近落成的樓盤過去都不是天價拍出，不過由信和置業（083）、南豐發展、嘉華國際（173）及永泰地產（369）合作發展天賦海灣，就示範點樣平買貴賣，天賦海灣第二期（溋玥）的地皮在2007年以35億成交，樓面呎價是4668元，但發展商在2012年以接近一萬元呎價發售。 |
|
36. 亮劍 2014-05-28 20:11:44 |
|
鹰君以AV價3300投得白石角科研路地皮，信和好大鑊！ 但政府呢次擺明打横來，明明添富隔離呢幾幅地係预你做科技園，現在轉住宅，豬孖根到無朋友……信和真是衰得好唔抵！！！ |
|
37. 亮劍 2014-05-28 21:30:51 |
|
信和無情白事唔見幾拾億，最多喺科研路打後果幾幅地低吸報仇，但小业呢鑊先惨惨豬，本來想將層楼租俾附近做的人，但現在呢区將会大把供應，焗自住啦！ 我提議買咗添褲嘅小业主，組織関注組，揾律師睇下政府有冇漏招。 理論上，可效法長毛，提司法覆核呢😎 就算唔贏出啖气都好，一人夾幾皮已足夠玩殘路母西！ |
|
38. 隨機應變 2014-05-29 02:55:42 |
|
懶人兄，小弟唔敢話有好介紹，而且係呢度揚出來又要惹人非議，可以提示兄台既係該區係有荃灣旺角通宵紅Van經過 ，少大型私人屋苑，多公屋同單幢式舊洋樓。小弟一個月前都睇啱一件中低層迷你兩房190唔洗，280實呎，翻新完市值租金大約可達7300-7900。 近幾日該區亦剛剛成交咗一件200w278實呎， 中層，市值租金亦可達7900左右。 |
|
39. 蜕变中嘅懒人 2014-05-29 11:48:05 |
|
多謝隨機變兄暗示位置所在，懶人諗到，嗰處的確係有200M左右嘅舊樓單位分散各處，俾啲心機真係執到高回報筍野，不過南亞裔租客應該唔少，多謝晒。 |
|
