王文彥呢篇『辣招實施不覺已一年，影響陸續浮現』開頭。
由於物業市場的需求受到壓抑，地產發展商紛紛以拖慢樓盤工程及少買土地來應對。
2013年的住宅動工量及完成數量大跌，分別祇是7,302伙及1,656伙，直接影響短期供應；過去半年，政府不斷推出中小型土地招標，令中小型地產發展商能夠參與，這卻使大地產商喪失過往的優勢，由他們中標的土地甚少。近期中小型發展商百利保以超低價奪得九肚山地皮，這在過去簡直難以想像。
政策風險提高了發展成本，降低了回報，不少大發展商改往國內甚至外國買地發展，對香港的大型項目 (投資150億元或以上)，他們出價保守，寧願讓項目流標。中期的土地供應量和住宅落成量因而大減。
王生講出我呢一年重複提出嘅觀點，一下唔覺仲以為拒轉軚唱好添！
在香港一個提供幾佰个單位嘅中小型發展項目，從取得土地使用權開始，最少要三四年才能落成交樓，而那些大中型發展項目，真係攪你五六年都似！
現在港私樓求過於供已有公論，請留意我呢度講供不應求嘅係現樓，而唔係樓花，因此政府不斷出招之後果，從發展商角度來睇，只會令到拒哋更保守，以免積壓過多存貨！
第一步乃控制旗下土地庫規模，入飽五六年麵粉就收手！
第二步係將建屋進度盡量拖延，橫掂最近周圍都有基建工程開工，熟練地盆工非常短絀，你就算有＄都請唔足人開工，可借人頭一用！
第三步是令到政府土地供應處於「合理水平」，又請留意呢個水平係指發展商角度來看-----由來已久香港發展商嘅土地來源是公開競投；MTR 上蓋發展項目；農地改屋地；市區重建；工厦改建等！
現在政府土地定期招標，發展商已輪緊大米，大中型嘅「原料」應已入齊，那手持幾十億者，唔使急淡定有錢剩，始終預埋你！
MTR 上蓋發展項目，你港鐵唔最少打個六或七折，拒哋流硬你標！
長江攪千零個單位喺農地起樓啫，就整足人哋 20 年，咁仲有下家會攪呢啲濕熱嗎？
市區重建你政府要收人乜D物D，咁如果發展商冇 89 成業權喺手，咪被政府屈硬機？那仲有人去攪嘢收樓重建嗎？
工廈呢度如作重建，大多改作商用唔提啦！
最後一步發動居民及環保佬唔俾政府亂「開闢」土地，係後下！
結論就係---政府越出「蕉」，就越少供應！
