中區物業一向有價有市，近期最轟動的交易，非位於紅棉路的美利大廈莫屬。項目招標結果上周揭盅，結果由會德豐旗下海港企業以44億元投得，高出市場預期上限達35%之餘，更創下歷來最貴政府酒店地的紀錄，樓面地價高達13,535元。

創最貴酒店地紀錄

項目鄰近山頂纜車站及香港公園，地盤面積約6.8萬方呎，可建非住宅樓面約32.5萬方呎。章程規定，大廈不可拆卸，只能作內部改裝，70%要用作酒店發展，其餘30%可作零售、餐飲及展覽場地。

回顧美利大廈歷史，前身為政府辦公室，於1969年落成，樓齡約44年，樓高27層（另有平台及地庫）。美利大廈為2009/2010年施政報告公布保育的7個中環項目之一，城規會2010年7月通過地皮改用途，但因《中區分區計劃大綱草圖》的司法覆核，有關賣地計劃一直延至近期。

翻查資料，今次美利大廈中標價為政府多年來推出酒店地中最貴的一幅。近年推出的純酒店地，最貴一幅為今年3月賣出的北角北角里及書局街地皮，由新地以27.22億元投得，樓面地價7,024元，今次美利大廈的中標價較當時高出92.69%。

美利大廈不可拆卸，只能作內部改裝，其實喺現今酒店缺乏嘅環境下，是正面因素。

因為改裝比拆卸重建可更快收取現金流！

美利呢個70%要用作酒店發展，湯博士講過唔應該減人值，我同意！

而其餘30%可作零售、餐飲及展覽場地----呢度先係關鍵，九龍倉系嘅強項，係零售店面面積廣；中高價連鎖店客户基礎勁；仲有世界性奢侈品牌租户多！

吳光正對零售市場脈搏的掌握，應該醒過絕大部分測量師，而估零售店面應該值幾多，從來都係高難度動作，可能吳生對呢 30 % 非酒店面積另有看法呢！

時代廣場落成引起周邊舖位連鎖效應，足可作為參考。

1881 Heritage Hotel 喺邊度？我估你走落街問一百個人，可答得出嘅人，五個都唔知有冇！

但如果我話呢間嘢係位於香港九龍尖沙咀廣東道2號A，咁大陸同胞開始知喺邊啦！

於1884年至1996年，呢處曾是香港警察水警的總部，並於1994年成為香港法定古蹟。

到了2003年，政府首次以商業招標形式交給私人公司發展，長江實業以逾3.52億元投得水警總部發展權，為期50年。

在保留原有建築物的前提下，長實投資超過10億元將前水警總部改建成古蹟酒店。

目前該建築物由長江實業改建成酒店，並設有小型商場，而酒店名就係叫做『1881 Heritage Hotel』，並於2009年10月15日正式開幕。

呢次 LKS真係執到嘔，投資拾幾億咋，剩計廣東道嗰幾個舖呢段時間嘅租金，夠有凸啦！