今日有錢佬請食午飯，有兩個朋友一齊，其中有一個話不少評論員，業界老行尊都估到今年樓市下跌，唯獨是我認為樓市不跌，現在事實勝於雄辯，我應該冇嘢講。 我冇嘢講，不過有錢佬有，佢話今年大氣候突然轉壞，除了疫情延續，中國與香港仍未全面通關之外，俄烏衝突又遲遲未能解決，通脹高企，利息攀升，令到港股曾經大跌35％，現在雖然略為收窄，但仍然大幅高於樓市跌幅，套用一句術語，樓市不但跑贏股市，並且跑贏大部份金融產品，真係唔知點解有咁多專家話準確預測樓市下跌，如果真係要炫耀，不如話準確預測股市下跌，不過在年初時又冇專家預測股市下跌，有錢佬朋友聽完之後都冇乜表情，他想唔到有錢佬替我講好說話。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
