有台灣老友話我今次大錯特錯，我認為美聯儲局不會加息，誰不知鮑威爾話不但今次議息要加息，今年餘下的6次議息都要加息，明年最少要加3次，我怎樣兜也兜唔到，應該早早發文認錯。
我話錯的確是錯，不過並不是我錯，而是美聯儲局的錯，加息表示就算俄烏衝突，都唔能夠吸引到足夠資金流入美國，加息甚至是泄露國家機密，仲話俾全世界知要加10次息，就算已經進入美國資金都唔會買美債，點解唔等到美國加定息才買，唔買美債的資金可以隨時走人，世界穩定固然會走，世界唔穩定一樣會走，美國一定會兌現美債，但很可能會凍結持有美債的人資產，至於凍結理由可以是莫須有，本來冇乜人相信，但俄烏衝突之後，變成冇乜人唔信。
台灣老友話我狡辯，我話並不是狡辯，只不過我講的理由似非而是，唔明白的人一時之間不能接受。較早前瘦了幾
個碼的美國前國務卿去台灣訪問，大家都明白老蓬是因為特朗普落選，他不但冇得做國務卿，並且受到中國制裁，不能享受大公司的高薪厚職，李白話，人生得意須盡歡，但失意又如何，只是一個字，瘦，問題是蓬佩奧的私人醫生，會不會在這個時候叫老蓬食減肥藥，就算幾冇醫德的醫生都唔會，所以，點解美聯儲局要加息，仲要加10次咁多，即是話俾全世界知進入美國的資金離美聯儲局的要求甚遠。
台灣老友話，美元強勁，美股上升，代表進入美國的資金很多，我的推斷又錯。並不是我錯，好似一個人食減肥藥，開始食的時候體重立刻下降，但不用太久，體重又回升，就要加重份量，美聯儲局有先見之明，知道進入美國的資金很快便會離開，於是預先聲名會加息，而且會加10次咁多，反過來證明加息冇效，除非加10次咁多，如果有效就好似現在的蓬佩奧先生，點講都不用食減肥藥。
