昨日股市一收市，我立刻收到不少電話，全部都是後悔，後悔，非常後悔，有人話每日一早都有睇我的Facebook ，昨日早上剛剛冇睇，唔知道我引述神童的說話，昨日是一個上升的開始，當他們睇到的時候，股市已經上升超過一千點，唔敢買，現在又後悔唔敢買。 有人後悔前幾日賣走了一些中概股，昨日騰訊上升超過兩成，而阿里爸爸則接近三成，老實說，如果我是他們，我也會後悔。 有人話後悔買得少，前日已經是心有靈犀，但唔敢重注，如果買得少都後悔，結果是長在後悔中，心態應該是有得賺已經很開心。 還有一位話時不與佢，點解咁大件事，原來他早已立定主意，恒指落到萬八點就瞓身重注，其實條友冇資格講後悔，到恒指萬八，他又會話恒指萬五就會瞓身買，怨自己唔好怨個天。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
也會後悔。