香港不會躺平，也不會封城

2022年2月14日

湯文亮

紀惠集團行政總裁

　　有老友問，今次李家超匆匆帶隊北上，是否代表林鄭被架空，我認為毋須諗得太極端，我反而認為在疫情第五波出現之後，香港有兩種極之相反聲音，第一種在第五波之前已經出現，暱稱躺平的與病毒共存，另一種最近才出現，聽到都驚的封城，香港官員北上與中央官員商討抗疫政策，代表香港不會躺平，而在會後的新聞稿亦表示香港不會封城，不過新聞報道就加上現階段，變成現階段不會封城，令人誤會封城是一項選擇，不過現階段還未需要封城，安撫人心的說話變成震撼人心。

　　要求政府躺平的聲音真的很大，就算彭博都表示，如果香港不躺平，就會失去金融中心的位置，其實，傳媒在社運的時候講過，美國取消香港關係法的時候講過，推出港區國安法的時候又講，我以為香港早已失去金融中心的位置，原來仍然仲響度。

　　我反而認為選擇躺平，香港真的是有機會失去金融中心位置，大家參考一下這幾天的食肆，要打針才可以進入的人山人海，毋須針咭的就哂?，如果選擇躺平的國家或者地區再度封城，試問那些金融交易會在那裏進行，我估計香港不會躺平，也不會封城。

上一則：

大不了將冬奧變成春晚

下一則：

俄羅斯入侵烏克蘭，美國信用破產

更多...

我要回應

我的稱呼

回應 / 意見

驗証文字

回應 / 留言規則

禁止撰寫粗言穢語、誹謗、渲染色情暴力或人身攻擊的言論；
禁止以名稱/暱稱/綽號/同音字等批評或映射任何人士、機構、公司；
禁止發佈有關招聘、推銷、廣告等內容；
禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 以此為記 2022-02-14 12:42:52

留名睇封城，將來竹go 灣是政治犯集中營。

2. 笑死我 2022-02-14 19:12:52

你留個假名無用架喎，留完，衰咗，點搵返你呀？留低聯絡方法丫。

3. 以此為記 2022-02-15 08:59:13

樓上，我留比自己睇。

最新：中央原則上接納特區請求內地派專家協助及提升檢測力等訴求

免費嗎?

4. 引刀一快 2022-02-15 14:23:58

如果封城係選項，咁最佳執行時機就係依家。

如果發展到群體免疫都係選項，咁基本上已經冇得選。

香港夾喺中國大陸同國際之間，抗疫跟邊一邊都問題多多。

跟大陸因為條件所限，好難跟足，跟外國就容易，仲可以令香港發揮好多獨有優勢，不過，往返唔到大陸，非常大鑊。

5. 如何 2022-02-15 15:33:23

???

行政長官林鄭月娥表示，沒有計劃大規模封城。

林鄭月娥出席行政會議前說，新冠疫情以來，部分國家地方封城，但有不同方式，香港要找出自己的方法，而現時的抗疫措施仍然有效。她說，雖然第五波疫情超出應付能力，但特區政府即時作出反應，同時有中央支持，因此沒有計劃大規模封城...

6. 自我陶醉 2022-02-15 17:36:50

引刀兄

都係你有見地，一講講出了重點，其實想跟邊個因人而異，如果經常要上大陸當然係跟大陸啦，如果你份工經常要去外地公幹，例如係啲regional 或 global jobs，怕且你要搵定工，邊有公司會俾你出完差回港隔離14日先開工？

香港主業有三瓣，旅遊城市死到直，國際貨運樞紐已經瓜咗一大截，國際金融中心勉強保住，問題係食咗老本兩年，仲可以食多幾耐？咁落去，星加坡呢鋪仲唔發達！

要長期保持清零，只能與國際脫軌，轉型成關閉式管理的內地城市，唔跟世界走的話，外資公司走下一間，走下又一間，香港唔再係regional hub，至於旅遊，除咗大陸旅客，其他都拒之門外，做外國旅遊生意或接待外國遊客的，唔係等餓死又是什麼？

有外國業務、海外投資要處理可以接埋唔做？再問問自己是否以後唔出門旅遊？定預咗去完隔離14天先返工？每個人自然有自己嘅答案。