今日要掃安心出行才可以入政府大樓，竟然有五個人在上班時候被發覺用假安心出行，有老友問我對此事睇法，我話最怕就是身在曹營心在漢，當日曹操放關羽回歸劉備，就是知道關羽身在曹營心在漢，如果唔走，反而影響曹操軍心。
政府有18萬公務員，有不少是身在曹營心在漢，引致抗疫不能全功，因為有不少公務員抗拒打疫苗，公務員唔打，影響不少與他們有關的市民，只要公務員講一聲，我就唔打，你打唔打就自己諗，如果有公務員同我咁講，我都唔會打，所以，全港接種率只得68%，仲差過台灣。
不少公務員有兩個電話，一個只用作裝安心出行，其他市民知道，就會認為連公務員都唔敢裝安心出行，政府一定有蠱惑，所以，不少市民不敢裝安心出行，其實，公務員如果唔想身在曹營心在漢，可以隨時辭工，無謂返工返得咁辛苦，現在仲要因為裝假安心出行而惹上官非，份工一定冇，唔知要不要負上刑責。
