自從倫敦在2018年被紐約超越之後，已經愈行愈遠，與此同時，倫敦亦比阿姆斯特丹，法蘭克福，星加坡等地追趕，不過有英國金融組織話，只要英國政府減稅，吸納全世界人材，五年內應該可以超越紐約。
有老友問倫敦有冇機會超越紐約，點解冇提香港，唔通不當香港是對手，說到底都是「紐倫港」，我話只要英國減稅，五年內一定可以超越紐約，至於點解冇提及香港，大家都知道，英國有BNO移民計劃，將會吸納很多香港金融業人材，在此消彼長之下，香港根本不是倫敦對手，點解仲要提及香港，換句話說，是倫敦與香港夾擊紐約，如果BNO移民計劃成功，倫敦超越紐約亦不是天方夜譚。
不過講還講，英國政府不但不會減稅，而且仲打算加稅，雖然加稅是違選舉承諾，但首相約翰遜明知道減稅有機會令倫敦超越紐約，但亦唔理得咁多，由此可見，英國的財政的確不樂觀，至於違選舉承諾，有可能影響港人以BNO去英國，因為現在持有BNO護照的香港人，可以在英國住五年，然後申請移民，但英國政府沒有講一定接受，大家想想，英國首相約翰遜既然可以違背選舉承諾，對於冇承諾過的移民，大家又唔好咁樂觀，香港人不是蠢人，見到約翰遜違選舉承諾，用BNO去英國的事就會考慮清楚，沒有香港金融業人材去英國幫拖，倫敦想超越紐約應該很難成事。
