有老友話中國女子排球隊以0:3輸比土耳其，不但令佢非常失望，亦非常擔心，我話有乜好擔心，中國女子排球隊並沒有用盡全力，甚至以少過半力出擊，唔輸才奇怪。
老友話不對，教練郞平亦公開表示擔心，我話做教練一定話擔心，唔通話畀人知未盡全力，其實，是否盡全力是很容易看得出來，因為打排球第一個口訣就是破壞第一傳，如果要破壞，最直接就是開出炮彈式發球，令到對方球員不容易接波，就算接到，亦有可能不容易組織反攻，但中國隊當日的發波連我都可以接到，明顯沒有打算破壞第一傳，即是冇準備贏波，大家又點解要擔心，老友問我識唔識，是否亂講，我話不是我識唔識，而是他識唔識，如果識，就知道我不是亂講。
