星期日早上，有物業代理一早搵我，話有一件荀貨，我話唔妥，那個物業其中一個業主是很有錢，有錢的人一定唔會平賣物業，又點會有荀貨，除非有其他合股人唔供樓，他又唔想替人供樓，又唔想接貨，唯有平市價賣出街，物業代理話正是如此，佢仲話，如果冇人買，就由那位有錢的股東買，叫我唔好嘥機會。
物業代理一定知道這個買賣的來龍去脈，那位有錢仁兄不是佔大股，更加不是牽頭人，即使其他拍檔唔供樓，最多賣出街，不但損失有限，而且不會損害聲名，如果買入其他拍檔股份，倘若樓價下跌，就會畀舊拍擋取笑衰貪心，其他拍檔會話睇唔好樓市才賣樓，想唔到有人接貨，仲話好彩決斷英明，萬一樓價上升，亦會畀舊拍擋話趁他們病攞他們命，以低價食了那個物業，唯一選擇就是賣出街，那個有錢股東是不會買入其他股份，物業代理話冇嘢講，不過，這的確是一個荀盤，這點我又同意。
