有年輕朋友同我講，去年購入一個新樓單位，但受到不少同輩朋友勸告，又話樓市悲情，又話有很多人賣樓移民，樓價一定會大跌，最後選擇撻訂，不但損失了10%訂金，而且地產商將19個撻訂單位加價12-18%重售，引來300個買家熱搶，他的朋友一係失了蹤，一係忘記自己講過樓市悲情，佢現在的確悲情，都唔知幾時才可以再買樓。
年輕朋友可能唔記得，當他買樓的時候我已經話千祈唔好將買樓的消息對同輩朋友講，那些還未有樓的一定會危言聳聽，講什麼樓市悲情，就算有樓的亦不會贊或，否則樓市下跌，他們一定會受到買樓的朋友埋怨，甚至要借錢比他們渡過難關，而事實上買樓是非常個人的事，只能夠獨樂樂，旁人不會戥你開心，年輕朋友一定將我的說話當做耳邊風。
很多人會認為，那些撻訂的買家根本是本身實力不夠，無論別人怎樣說他們仍然會撻訂，我不會抹煞這個可能性，正因為有這個可能，一定唔好話別人買錯，更加唔好叫別人撻訂，否則買樓的人真的是撻訂，就會將條數入哂叫佢撻訂的人，最恰當的說話就是講恭喜，仲話買得抵，買得合時，買樓的人一定受落，它日如果撻訂就不能頼那些曾經恭喜他買樓的人。
