很多人以為香港只得趙雷兩位樓神，其實還有其他很多，業界統稱地產商的銷售部主管為樓神，老實說，做樓神的確不容易，一不留神，就冇得做樓神。
不少人認為做樓神易過借火，當有新盤開售，只要訂價低於市價，又有高佣金，想唔一Q清袋都難，有這個概念的人一定不是老闆，大家千祈唔好以為老闆鍾意一Q清袋，老闆不但唔鍾意，而且認為一Q清袋是死罪，如
果不是訂價太低，又如何做到一Q清袋，賣到八九成就最好，留返一些貨尾在年尾賣，為明年小陽春制做氣氛。
在去年底，當大部分評論員都認為今年即使疫情緩和，樓市仍然會下跌，跌多跌少就要視乎解封時間，愈遲解封，樓市跌幅愈大，有樓神問我點睇樓市，我話樓市在疫市下仍然保持平穩，今年開關事在必行，樓市九成會上升，升幅大約10-15%，樓神話英雄所見略同，到推出新樓盤時就減少數量，而且不是質素最好的一批，樓神如果不留神，大量以低價推出優質單位，當然可以賣個滿堂紅，但自己亦可能被老闆一Q清袋。
有人話，估中樓市上升有什麼大不了，在年初時，有報章訪問50個地產界有關人士，46個話樓市上升，大家可能有所不知，物業代理對外就會話樓市上升，同樓神講就話下跌，希望樓神高抬貴手，不但售價要平，數量又要多，他們才可以從中獲利，好彩，香港的樓神是非常留神，不會因片面之詞大量低價出貨，他們知道，一不留神，就冇得做樓神。
