有老友話，國家點解咁麻煩，容許香港人搞選舉，求其搵一個合資格，而又有港人身份的國內人做特首，什麼選舉也不不用，因為做得多錯得多，搞得唔好仲會俾西方國家制裁。
老友可能不明白，國家關心香港特首以及立法會選舉，最大目的是想藉香港的選舉搵出一個適合中國未來的選舉制度，老實說，除了毛澤東之外，國家其他領導人是怎樣選出來，我相信是很少人知道，不過，一定有一個選舉制度，這個制度漢朝亦用過，叫霍光模式的選舉制度。
老友又問，霍光先生是何許人也，大家可能未必認識霍光，但一定知道他的大佬，就是大名頂頂霍去病，霍光雖然沒有大佬咁出名，但如果冇佢，漢朝可能早就改朝換代，霍光曾經迎立漢武帝孫劉賀即位，但二十七日之後就以淫亂廢了劉賀，改立劉詢為帝，是為漢宣帝，至於霍光點樣廢，點樣立，應該有自己一套準則，其他人未必知道，我感覺國內亦行這套模式，但這套模式不能持久，一定要搵一套模式代替，香港在這方面擔當重要角色，所以，國家才這樣關心香港的選舉制度。
大多數人會話，不用這麼麻煩，一人一票搞掂，理論上是正確，但不會搵到一個合適的領導人，例如選香
港小姐，如果由全港市民一人一票去選，結果反而不好，因為大多數人只能從電視上見到候選人，只可以睇到表面，什麼身腥口臭全部唔知，所以應該加上評審委員會以及現場觀眾的評分，才可以選出一個令各方面都滿意的香港小姐。
國家替香港完善了一套選舉制度，有委任，有直選，有功能組別，理論上是合情合理，如果行得通，就可以推廣至全中國，如果行唔通，唯有再進一步優化，所以，香港人應該積極面對未來的選舉，因為，這將會為國家起示範作用。
