迎接復甦是非常殘酷

　　在新年假期前一日，我去了社區中心做檢測，同時我發了短訊給各位同事，希望他們也去做檢測，因為在開工之後，有很多銀行家以及客戶到公司拜年，如果我們有同事確診，影響到銀行家及客戶就唔係幾好，不過，我話這個只是通知，不是強迫性的，甚至可以遲多兩三個星期才開工，但我昨日開工之後，知道全部同事都有去做檢測，個心都比較安樂，因為在香港人努力之下，疫情已經緩和，經濟亦會逐漸復甦，但大家可能唔知道，迎接復甦是很殘酷，如果唔賞罰分明，是會錯過今次復甦機會。

　　有人話我講得太嚴重，復甦就是復甦，點解會和殘酷扯上關係，其實商場如戰場，在一場戰役之後，大家都會聽到得勝的一方講論功行賞，但歷史書沒有講得勝的一方亦會處罰一些戰士，首先是那些不但自己，仲要搵埋其他戰士在激戰時做逃兵的人，那些陽奉陰違，不服從上司，以各種理由不上戰場，或者準備離開軍隊的戰士，他們將會被清理，如果唔做，下一次戰役是必敗無疑。

　　今次疫情雖然重創香港，但亦將一些深層次問題發掘出來，如果沒有今次疫情，大家唔會知道有一些人不但自己罷工，還組織工會目的是罷工，大家亦唔知道原來有咁多工作可以不用回公司做，即是可以外判，減少公司皮費，迎接復甦最緊要是萬眾一心，但原來有同事已經攞了BNO，隨時可以移民去英國，要迎要復甦一定要解決上述問題，結果是非常殘酷，但千祈唔好鬧老闆，他亦是迫不得已，否則復甦只是別人的盛宴。