星期一早上，有老友到公司話有事請教，仲帶了一支「響30」，我睇到咁嘅陣容，就知老友無事不登，我話無功不受祿，這份厚禮我唔敢收，除非我認為的確解決了老友的難題。
老友話，近日他派出去應酬傾生意的伙記，可以即時做決定的被人壓價，要返公司匯報的反而可以攞到原價，這是什麼道理，老友可能不明白，在疫情下，所有買家都壓價，派能夠做決定的伙記去應酬傾生意即是引頸就戮，對方唔減價都唔好意思，所以，在現階段，收起所有話得事伙記，只派一些不能做決定的伙記去應酬傾生意，老友話明白，並且要我一定收了支酒。
老友不知道，我在學師的時候，有長輩同我講，如果我有機會任命人事，緊記去應酬的伙記冇權，有權的伙記唔准去應酬，至於我，如果有決定權，就應該唔好去應酬。
