今早在跑步時見到一個老友，佢話我有一個做飲食的租客招呼很差，叫我以業主身份警告佢，我覺得很奇怪，招呼好與壞是很主觀，這是老友問題，點解要我警告，況且我這個租客在疫情之下交租準時，又沒有要求減租，我無無謂謂警告佢，容乜易唔續租，老友見我面有難色話如果我不方便，他可以用我的名字警告我的租客，我話千祈唔好，要警告閣下自己警告，千祈唔好提我的名字，現在租客是莊，業主是閒。
澳洲佬見美國不斷出招打壓中國，又制裁中港官員，於是玩埋一份，點知玩出火，中國除了停止買牛肉，龍蝦海產，煤炭等之外，並且對澳洲葡萄酒進行反傾銷稅，現在澳洲佬鬼殺咁嘈，又話要世貿仲栽，其實這個世界的針是不會兩頭利，美國一聲話五眼聯盟，澳洲立刻自告奮勇進擊中國，結果搞成咁，美國都冇講一聲幫拖，或者叫澳洲佬買多兩隻戰艦，其實，做人治國，一定要識得分莊閒，明知自己實力只能做閒，夾硬做莊，一定被人玩死。
