昨日早上，有老友到公司吹水，首先問我有没有申請螞蟻，老實說，好彩沒有，否則今次螞蟻上市臨門撻Q，一定會被人話搭沉船，老友話今次見財化水，不過，好彩他的證券商願意付有關利息，所以實際上沒有損失，但老友唔明白，以馬雲在江湖上歷練，怎可以在臨上市前失言，不但得罪中國，話中國對金融機構沒有監管，仲得罪全世界，話巴素利協議是老人俱樂部協議，中國政監想唔制止螞蟻上市都不可能。
我反問老友，馬雲是否失言，我覺得不是，馬雲是有心說出要講的話，亦希望中國政監制止螞蟻上市，換句
話說即是自動投案，馬雲是不能終止螞蟻上市，否則就要面對無數訴訟以及賠償，情況就好似匯豐不派息，都要由英國政府出面，如果匯豐自己宣布唔派息，今日可能連20元都不保，馬雲知道，如果讓螞蟻先上市，一切都不能挽回，今次大家當發了一場了無痕的春夢。
老友唔明白，點解馬雲要自動投案，其實，螞蟻是一間網上銀行，不過不受監管，對象是三四線城市以及農村沒有借錢的人，總數大約有三億，商機是無可限量，但由於不受監管，最初開始放貸時一定可以令消費市場活力澎湃，但到了要還錢的時候就百病叢生，壞賬比率一定非常之高，由於螞蟻實在太大，中央政府未必有能力挽救，既然知道有這個問題，撤回螞蟻上市是最理智做法，否則，隨時可以出現一個消費版的次按危機，總之，申請者當發了一場春夢。
