星期六一早，有老友嚟公司吹水，佢話瞓唔著，所以咁早嚟搵我，仲話失眠同失戀任佢揀，佢揀失戀，我問失眠同失業，揀那一樣，老友話冇得揀，一定是失眠，所以，失眠並不是很慘。
我講或者大家都唔會相信，失眠其實是曬命，瞓唔著最大機會是遇上一些開心興奮的事，例如在年輕時約到一個女仔出街，隨時開心到瞓唔著，如果被人推卻，甚至放飛機，結果是大覺瞓，又點會瞓唔著。
股市上升，不少人興奮到瞓唔著，股市下跌，就算那些輸大大鑊的人都唔會瞓唔著，工作過勞，時間又長，有機會就大覺瞓，點會瞓唔著，有大把錢，不用為工作辛勞，諗下點樣洗錢，當然瞓唔著。
美國總統選舉，贏的一個會瞓唔著，輸的一個會話明日愁來明日憂，大覺瞓好了，所以，我話失眠其實是曬命，老友擘大口得個窿。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
一個女仔出街，